३१ साउन, काठमाडाैँ । सुनको बजार भाउ आइतबार एकैदिन एक हजार रुपैयाँले महङ्गिएको छ । सुनसँगै चाँदीको भाउ पनि आइतबार तोलामा २० रुपैयाँले वृद्धि भएको छ ।
नेपाल सुनचाँदी व्यवसायी महासंघका अनुसार आइतबारका लागि छापावाला सुनको मूल्य प्रतितोला ९० हजार ७०० रुपैयाँ, तेजाबी सुन प्रतितोला ९० हजार २०० रुपैयाँ र चाँदीको भाउ तोलाको १ हजार २०५ रुपैयाँ पुगेको छ ।
अघिल्लो दिन शुक्रबार छापावाला सुन प्रतितोला ८९ हजार ७०० रुपैयाँ, तेजाबी सुन प्रतितोला ८९ हजार २५० रुपैयाँमा खरिद बिक्री हुँदा चाँदी १ हजार १८५ रुपैयाँमा कारोबार भएको थियो ।
अन्तर्राष्ट्रिय बजारमा सुनको मूल्य उकालो लागेसँगै नेपाल बजारमा पनि मूल्य वृद्धि गरिएको महासंघले जनाएको छ । नेपालमा आइतबारदेखि शुक्रबारसम्म सातामा ६ दिन सुनचाँदीको भाउ निर्धारण हुँदै आएको छ ।
RSS Error: A feed could not be found at `https://digitalkhabar.com/?#`; the status code is `200` and content-type is `text/html`