२४ श्रावण, एजेन्सी । अमेजनले हलिउडको सर्वाधिक चर्चित स्टुडियो एमजीएमलाई खरीद गर्ने निश्चित भएको छ । भेराइटीका अनुसार जेफ बेजोसको अमेजनले ८.४५ बिलियन डलरमा एमजीएमलाई खरिद गर्ने सम्झौता भएको हो ।
सन १९२४ अप्रिल १७ मा निर्माण भएको एमजीएम स्टूडियोजलाई अमेजनले ८.४५ अर्ब डलरमा अमेजनले किन्ने निश्चित गरेको हो । सो खरीद पश्चात् अमेजनको प्राइभ स्ट्रिमिंग सर्भिसले उक्त स्टुडियोसँग रहेका ठूलो परिमाणका सामाग्रीहरुको स्वामित्व प्राप्त गर्नेछ ।
झन्डै शताब्दी लामो फिल्म निर्माणको इतिहास बोकेको एमजीएमले सुरुमा टेलिभिजन सिरिजको निर्माण गरेको थियो ।
सिनेमाको एकलौटी मनोरंजनलाई तोड्दै अब ओटीटी प्लेटफर्म हावी हुँवै गएको बेला अलग पहिचान बनाएको एमजीएम बिक्री भएको हो ।
अमेजनले एमजीएमको सम्पदा र फिल्मको क्याटालगलाई सुरक्षित राखिराख्ने प्रतिबद्धता जनाएको छ । साथै, आफ्ना उत्पादनलाई उपभोक्तालाई बृहत पहुँच दिने प्रतिबद्धता पनि छ ।
अमेजनको इतिहासमा उसका लागि यो अहिलेसम्मकै दोस्रो ठूलो खरिद सम्झौता हो । यसअघि उसले सन् २०१७ मा होल फुड्स चेनलाई १३.७ बिलियन डलरमा खरिद गरेको थियो ।