१ चैत्र, काठमाडौँ । स्पेनिस ला लिगा फुटबलमा साविक विजेता रियल मड्रिडले एल्चेलाई हराएको छ ।
शनिबार राति भएको खेलमा रियलले एल्चेलाई २-१ गोलले हराएको हो । घरेलु मैदानमा करिम बेन्जिमाको उत्कृष्ट प्रदर्शनमा रियलले पुनरागमन जित निकालेको हो ।
खेलको ६१औँ मिनेटमा डानी काल्भोले गोल गर्दै इल्चेलाई अग्रता दिलाएका थिए ।
तर, खेलको ७३औँ मिनेटमा बेन्जिमाले गोल गर्दै रियललाई १-१ गोलको बराबरीमा फर्काए ।
खेलको इन्जुरी समयमा बेन्जिमाले व्यक्तिगत दोस्रो गोल गर्दै रियललाई २-१ को जित दिलाए ।
जितसँगै रियल लिगको दोस्रो स्थानमा उक्लिएको छ । रियलले २७ खेलमा ५७ अंक जोडेको छ । पराजित एल्चे २४ अंकसहित १७ औँ स्थानमा छ ।