०८ बैशाख, काठमाडाँ । पिसाबमा हुने सङ्क्रमण (युरिन इन्फेक्सन) ले तपाईंको पिसाब थैली र मिर्गौलामा सङ्क्रमण हुन सक्छ । यसले तपाईंलाई धेरै समस्या निम्त्याउन सक्छ ।
युरिन इन्फेक्सन एक सामान्य समस्या हो जसले महिलालाई बढी असर गर्छ। यसका धेरै कारण हुन सक्छन्। यसलाई बेवास्ता गर्दा तपाईंलाई धेरै गम्भीर समस्याहरू हुन सक्छ।
युरिन इन्फेक्सन के हो?
ब्याक्टेरिया मूत्रमार्गमा पसेर पिसाब नलीलाई सङ्क्रमित गर्दा पिसाबमा सङ्क्रमण हुन्छ। जसका कारण तपाईंलाई पिसाब सम्बन्धी समस्या हुन सक्छ । यसले मिर्गौला र मूत्राशयमा पनि सङ्क्रमण गर्न सक्छ।
डाक्टरहरूका अनुसार युरिन इन्फेक्सनका लक्षणहरूमा पिसाब गर्दा पोल्ने, चिसोसँगै ज्वरो आउने, पिसाबमा रगत आउने र बारम्बार पिसाब लाग्ने जस्ता लक्षण देखिन्छन् । रुघाखोकीसँगै ज्वरो आएको छ भने यो युरिन इन्फेक्सन मिर्गौलामा पुगेको सङ्केत हो ।
पानी पिउनुहोस्
युरिन इन्फेक्सनबाट बच्न वा छिट्टै निको हुन सकेसम्म पानी पिउनुपर्छ। दैनिक दुईदेखि तीन लिटर पानी पिउनुहोस्।
क्षारीय खानेकुरा उपभोग गर्ने
अम्लीय वातावरणमा ब्याक्टेरिया बढ्छ, त्यसैले केरा, स्याउ, मटर र पालक जस्ता क्षारीय चीजहरू बढी खपत गर्नुपर्छ।
क्रेनबेरी रस पनि उपयोगी
यूटीआई सङ्क्रमण प्रायः ब्याक्टेरियाको कारणले हुन्छ । त्यसैले तपाईंले छिटो राहत पाउन क्रेनबेरीको जुस पिउन सक्नुहुन्छ ।