०२ कार्तिक, काठमाडाैं । इष्टर्न हाइड्रोपावर लिमिटेडले निष्कासन गरेको सवा ६ करोड आइपीओमा आवेदन गर्ने आज अन्तिम दिन रहेको छ । कम्पनीले असोज २८ गते शुक्रबारदेखि आइपीओ बिक्री खुला गरेको थियो ।
कम्पनीले प्रतिकित्ता १०० अंकित मूल्यका ६ लाख ७० हजार ३१० कित्ता सेयर जारी गरेको हो । आयोजना प्रभावित क्षेत्रका बासिन्दाहरुका लागि निष्काशन गरेकोमा अवितरित ५० हजार ३१० कित्ता सहित सो संख्यामा सेयर जारी गरिएको हो।
आईपीओमा सर्वसाधारणले बाँकी ६ लाख २३ हजार ३८९ कित्ता शेयरका लागि आवेदन दिन सक्नेछन्। ५ प्रतिशत अर्थात ३३ हजार ५१५ कित्ता सामुहिकलगानी कोष तथा २ प्रतिशत अर्थात १३ हजार ४०६ कित्ता कर्मचारीलाई छुट्टाइएको छ ।
कम्पनीले यसअघि नै आयोजना प्रभावित क्षेत्रका बासिन्दाहरुका लागि आईपीओ निष्काशन गरिसकेको छ । सर्वसाधारणका लागि दोस्रो चरणमा सेयर जारी गरिएको हो ।
लगानीकर्ताले मेरो सेयरको मोबाइल एप, मेरो सेयर वेवसाइटका साथै नेपाल धितोपत्र बोर्डबाट सि–आस्बा सदस्यता प्राप्त गरेका सम्पूर्ण बैंक तथा वित्तीय संस्था र तिनका तोकिएका शाखा कार्यालयहरुबाट आवेदन दिन सक्नेछन्। न्यूनतम १० कित्ता देखि अधिकतममा १ लाख कित्तासम्म सेयर भर्न सकिनेछ ।
केयर रेटिङ्ग नेपालले आईपीओ निष्काशनका लागि गराएको रेटिङ्गमा ‘केयर एनपी बी प्लस इस्यूअर रेटिङ्ग प्रदान गरेको छ । यो रेटिङ्ग प्राप्त संस्थामा वित्तीय दायित्व बहन गर्ने क्षमतामा उच्च जोखिम रहेको संकेत गर्दछ ।
कम्पनीको धितोपत्र निष्काशन तथा बिक्री प्रबन्धक एनएमबि क्यापिटल लिमिटेड रहेको छ ।