महिला क्रिकेट : प्रदेश नं १ विजयी

१५ फागुन, काठमाडाैँ । ललितपुर मेयर महिला टी–ट्वान्टी च्याम्पियनशिपअन्तर्गत आज भएको आफ्नो अन्तिम खेलमा प्रदेश नं १ ले ललितपुर मेयर्स–११ लाई पराजित गर्दै जीत हासिल गरेको छ ।

कीर्तिपुरस्थित त्रिवि क्रिकेट मैदानमा भएको खेलमा प्रदेश नं १ ले ललितपुर मेयर्स ११ लाई २२ रनले पराजित पराजित गर्दै विजयी भएको हो । प्रदेश नं १ यसअघि नै फाइनलयात्राबाट बाहिरिसकेको थियो । खेलमा १२० रनको लक्ष्य पछ्याएको ललितपुर मेयर्स १९ दशमवल पाँच ओभरमा सबै विकेट गुमाउँदै मात्र ९७ रनमा समेटियो ।

ललितपुरका लागि सुमन खतिवडाले सर्वाधिक ४४ रनको योगदान दिइन भने अञ्जली विश्वकर्माले २१ रन जोडिन् । प्रदेश नं १ का लागि अलिसा खडियाले सर्वाधिक तीन विकेट हात पारिन् भने सवनम राईले दुई विकेट हात पारिन । त्यस्तै ज्योति दनुवार र सङ्गीता राईले १–१ विकेट लिए ।

त्यसअघि टस हारेर पहिले ब्याटिङ थालेको प्रदेश नं १ ले निर्धारित २० ओभरमा छ विकेट गुमाएर ११९ रन जोडेको थियो । उसका लागि काजल श्रेष्ठले सर्वाधिक ४४ रनको योगदान गरिन् भने कप्तान रुविना क्षेत्रीले ३९ रन जोडिन् ।

ललितपुर मेयर्सका लागि खुसी डङ्गोलले सर्वाधिक दुई तथा अनुराधा चौधरीले एक विकेट हात पारे । प्रतियोगितामा प्रदेश नं १ ले चार खेलमा दुई जीत हात पारेको छ । यता ललितपुर मेयर्सले भने चारवटै खेलमा पराजय भोगेको छ ।

उक्त प्रतियोगितामा सशस्त्र प्रहरी बल (एपिएफ) र सुदूरपश्चिम प्रदेश फाइनलमा प्रवेश गरिसकेका छन् । फाइनल खेल सोमबार हुनेछ ।

RSS Error: A feed could not be found at `https://digitalkhabar.com/?#`; the status code is `200` and content-type is `text/html`



मल्टिमिडिया ग्यालरी

businessCoronavirusCovid-19CricketDeathdigital khabarhealthLockdownnepalNewsPoliticSports News
Comments (0)
Add Comment