२३ असाेज, पन्जशिर, अफगानिस्तान । अफगान नागरिक समाजका प्रतिनिधिहरूले पार्टीहरूलाई लडाइँ रोक्न र वार्ता तालिकामा फर्कन आह्वान गरेका छन् ।
मध्य अफगानिस्तानमा संयुक्त राष्ट्र सङ्घको सहकार्यमा सञ्चालिते कार्यक्रमको श्रृङ्खलामा खासगरी पन्जशीर, परवान र कपिसा प्रान्तका धार्मिक संस्था, नागरिक समाज, महिला परिषद्लगायतका क्षेत्रमा प्रतिनिधित्व गर्ने वक्ताहरुले हिंसा, सशस्त्र द्वन्द्व र ज्यान गुमाउनुको कुनै औचित्य नरहेकोमा जोड दिएका हुन् । उनीहरुले सबै अफगानीहरूको हित शान्ति वार्ताको केन्द्रमा हुनुपर्ने बताए ।
अफगान अधिकारकर्मी शय्या महराबानले भन्नुभयो, “महिला र युवा अफगान युद्धबाट बढी पीडित बनेकाले अब यो समूह नै युद्धको विपक्षमा हुने बहसमा अग्रसर हुनुपर्छ ।”
“युवाले एक अर्कालाई विश्वस्त पार्नुपर्छ कि युद्ध यसको समाधान होइन । हामी सबै दुःख भोगिरहेका छौं र युद्धमा मारिएका छौं । युवाहरूबीचको बैमनस्यता रोकिएमा युद्ध अवश्य टुङ्गिन्छ ।”
कापिसा प्रान्तीय परिषदका पूर्व सदस्य नजिबुल्लाह रहिमीले युद्धलाई शारिया र अन्तर्राष्ट्रिय कानूनहरूले निषेध गरेकोले युद्ध अन्त्य गन अबको पहिलो काम भएको बताउनुभयो । उहाँले भन्नुभयो, “युद्ध रोक्न आफ्नो भूमिका निर्वाह गर्नु हरेक अफगानको धार्मिक र नैतिक जिम्मेवारी हो । अफगानीहरूले लामो समय युद्धमा विताउनु परेको छ अब पनि युद्ध भए यसलाई अफगानी नागरिकले सहन सक्ने छैनन् ।”
अर्का वक्ता शर्मिला बेगीले तर्क र शान्तिपूर्ण माध्यमद्वारा एकअर्काको विचारलाई सहनु र आदर गर्नु महत्वपूर्ण छ भनी जोड दिनुभयो ।”
उहाँले अब अफगानिस्तानमा शान्तिको विकल्प नभएको भन्दै सबै जातीय, धार्मिक र क्षेत्रीय मतभेदहरूलाई वार्ताद्वारा सम्बोधन गरी युद्ध अन्त्य गर्नु देश र जनताको हितमा हुने बताउनुभयो ।
अफगान महिला अधिकारकर्मी रोया साबेतले “युद्धले हाम्रो व्यक्तिगत, पारिवारिक र सामाजिक जीवनमा नराम्रो असर पारेको र खासगरी महिलाका लागि बढी कष्टकर बनाएको स्मरण गर्नुभयो ।
युद्धरत पक्षलाई एक अर्कालाई आक्रमण गर्ने काम रोकी नयाँ र समृद्ध अफगानिस्तान निर्माणमा जुट्न रोया सबेतले आग्रह गर्नुभयो ।
उक्त कार्यक्रममा पन्जशिरका धार्मिक विद्वान मौलावी अहमदुल्ला हाशेमिनाजादले भन्नुभयो, अफगानिस्तानका जनताले विश्वकै सबैभन्दा लामोमध्येको एक युद्ध लडेको र यसका कारण अफगानिस्तानले ठूलो क्षति ब्यहोरेको बताउँदै अब पनि अफगानिस्तानमा युद्ध जारी रहनु दुर्भाग्य हुने बताउनुभयो ।
विभिन्न संस्था र मानवअधिकार तथा प्रवुद्ध व्यक्तिहरुसँग सहकार्य गरेको युएनएले सुविधा सम्पन्न रेडियो श्रृङ्खलाको आयोजना तथा प्रशारण गरेको हो ।