०३ असार, सिन्धुपाल्चोक। अविरल वर्षाका कारण मेलम्ची नदीमा आएको बाढीका कारण ३१ जना बेपत्ता भएका छन्। जिल्ला प्रहरी कार्यालय, सिन्धुपाल्चोकका प्रवक्ता प्रहरी नायब उपरीक्षक प्रकाश सापकोटाका अनुसार १६ जना बेपत्ता भएको पुष्टि भएको छ भने एक पुरुषको शव फेला परेको छ। अन्य १५ जना अझै बेपत्ता छन् ।
जिल्लामा व्यवस्थापन र उद्धारका लागि बुधबार नेपाली सेनाको तीन वटा हेलिकोप्टर आएका छन् ।
विपत्तिबारे गृह मन्त्रालयबाट खाद्यान्न, त्रिपाल, टेन्ट र स्लिपिङ ब्यागलगायतका सामग्रीको व्यवस्थापन भएको छ।
थप उद्धार र राहतका लागि प्रधानमन्त्री केपी शर्मा ओलीसँग स्वास्थ्य तथा जनसङ्ख्यामन्त्री शेरबहादुर तामाङले छलफल गरेको जनाइएको छ।