२३ चैत, चितवन। काठमाडौंका व्यापारी रामहरि श्रेष्ठको हत्या आरोपमा १५ वर्ष पछि पक्राउ परेका माओवादीका पुर्व कमान्डर कालीबहादुर खामको मुद्दामा चितवन जिल्ला अदालतमा हिजोदेखी सुरु भएको थुनछेक बहस आज सकिएको छ ।
सर्वोच्च अदालतबाट मिसिल आइपुगेपछी हिजो विहान ११ः३० बजेदेखि खामको बयान सुरु भएको थियो । त्यसलगत्तै दिउँसोदेखि सुरु भएको थुनछेक बहस आज दिउँसो सवा १२ बजे सकिएको अदालतका श्रेस्तेदार विश्नुप्रसाद आचार्यले जानकारी दिए । थुनछेक बहस सकिएकाले आजै आदेश आउने भएको छ ।