२७ असार, काठमाडौं । मनकामना स्मार्ट लघुवित्तले निष्काशन गरेको आईपिओ सोमबार बाँडफांड भएको छ । बिक्रि प्रबन्धक एनएमबि क्यापिटलले सोमबार बिहान ९:३० बजे शेयर बाँडफांड गर्न लागेको हो ।
कम्पनीले असार १७ गतेदेखि आईपिओ बिक्रि खुला गरेको हो । कम्पनीले ३ करोड ८९ लाख बराबरको ३ लाख ८९ हजार कित्ता शेयर निष्काशन गरेको हो । जस मध्ये ६ हजार ५८ कित्ता कम्पनीका कर्मचारीलाई र १९ हजार ४ सय ५० कित्ता शेयर सामुहिक लगानी कोषलाई छुट्याईएको थियो । बाँकि रहेको ३ लाख ६३ हजार ४ सय ९२ कित्ताको लागि सर्वसाधारणले आवेदन दिएका हुन् ।
आईपिओमा २० लाख बढीले आवेदन दिएका छन् । माग भन्दा बढीको आवेदकले आवेदन दिएकोले आईपिओ गोलाप्रथाबाट ३६ हजार ३ सय ४९ जनाले मात्र शेयर पाउने छन् । यस हिसाबमा १९ लाख बढी आवेदन हात खाली हुने छन् । यो आवेदन फेरिफाई हुनु अगाडीको तथ्यांक भएकोले यो संख्या केहि घटबढ हुन सक्ने छ ।