Advertisement

यू-१५ विद्यालय खेलकुद प्रतियोगिताको तयारी पूरा

0 5

Advertisement

२७ जेठ, पोखरा । राष्ट्रिय खेलकुद परिषद र प्रदेश खेलकुद परिषद गण्डकीको संयुक्त आयोजनामा हुने यू-१५ विद्यालयक खेलकुद प्रतियोगिताको तयारी पूरा भएको छ ।

पहिलो पटक हुन लागेको यू-१५ विद्यालय खेलकुद प्रतियोगिगता यही जेड ३० र ३१ गते पोखरामा आयोजना हुँदैछ ।

मंगलबार पोखरामा आयोजित पत्रकार सम्मेलनमा प्रतियोगिताको तयारी पूरा भएको प्रदेश खेलकुद परिषद गण्डकीका सदस्य सचिव श्रीधर शर्माले जानकारी दिए । ‘विद्यालय बाटै खेलकुदको विकास गर्ने लक्ष्यसहित पहिलो पटक यू१५ विद्यालयक खेलकुद हुन लागेको छ ।

यसको सबै तयारी पूरा भएको छ । ब्याडमिन्टनको इभेन्टहरु आजै देखि सुरु भइसकेको छ ।’ सहआयोजक समेत रहेका प्रदेश खेलकुद परिषद गण्डकीका सदस्य सचिव शर्माले पत्रकार सम्मेलनमा भने ।

प्रतियोगितामा सातवटै प्रदेशका खेलाडी सहभागि हुनेछन् । जसमा हरेक प्रदेशबाट कूल ७६ खेलाडी, ८ प्रशिक्षक र ६ व्यवस्थापक गरी ९० जना सहभागि हुनेछन् । कूल ६३० जना सहभागि हुने आयोजकले जनाएको छ ।

प्रतियोगितामा विभिन्न ६ खेलहरु समावेश गरिएका छन् । जसअन्तर्गत एथ्लेटिक्स, बास्केटबल, रग्वी, ब्याडमिन्टन, टेबल टेनिस र चेसमा प्रतिस्पर्धा हुनेछ । ६ वटै खेलको छात्र र छात्र दुवैमा प्रतिस्पर्धा हुनेछ ।

पहिलो पटक भएको ६ खेललाई मात्र समावेश गरिएको र आगामी वर्षहरुमा यसलाई बढाउदै लैजाने शर्माले जानकार दिए ।

यस्तै प्रतियोगिता आयोजक कमिटीका सदस्य राज कुमार कार्कीले ओलम्पिकमा खेलिने खेल र विद्यालयमा स्तरमा पनि खेलिने खेल र राष्ट्रपति रनिङ शिल्डमा समावेश खेल बाहेक अन्य खेलललाई पनि प्रबर्धन गर्नुपर्ने भएकोले अहिले ६ खेल छनोट गरिएको बताए । ‘फादर अफ स्पोर्ट्स एथ्लेटिक्स मुख्य खेल भएकोले समावेश गर्नुपर्‍यो ।

ओलम्पिकमा समावेश हुने गेमहरु, राष्ट्रपति रनिङ शिल्डमा समावेश भएका बाहेक अरु खेललाई पनि आयोजना गर्नुपर्छ भन्ने योजना अनुसार अहिले हामीले छलफल गरेर नै ६ खेल राखेका हौँ ।’

नेपाल विद्यालयक खेलकुद महासंघका महासचिव समेत रहेका कार्कीले स्कुल स्तर देखि नै खेलकुद प्रतियोगिता आयोजना गर्दा खेलकुदको जग बलियो र यहीँबाट भविष्यमा ओलम्पियन जन्मने आशा व्यक्त गरे ।

एथ्लेटिक्समा १०० मिटर, २०० मिटर, ४०० मिटर, ८०० सय मिटर, सटपुट, लङजम्प र ४ गुणा १०० मिटर रिलेमा प्रतिस्पर्धा हुनेछ ।

यस्तै ब्याडमिन्टन र टेबलटेनिसमा पुरुष एकल, पुरुष डबल्स, महिला एकल, महिला डबल्स र मिक्स डबल्स गरी पाँच-पाँच इभेन्टमा प्रतिस्पर्धा हुनेछ ।

बास्केटलबल र रग्वीमा छात्र र छात्राको टिम इभेन्टमा खेल हुनेछ । यस्तै बुद्धिचालमा पनि टिम इभेन्टमा प्रतिस्पर्धा हुनेछ ।

एथ्लेटिक्समा छात्र र छात्रा दुवैमा ६-६, ब्याडमिन्टनमा र टेबलटेनिसमा छात्र र छात्रा ४-४, बुद्धिचालमा ४ खेलाडी सहभागि हुनेछन् । यस्तै रग्वीमा र बास्केटबलमा छात्र र छात्रामा १०-१० खेलाडी सहभागि हुनेछन् ।

रग्वी र बास्केटबलमा समान २ तथा बाँकी चार खेलमा समान १ प्रशिक्षक हुनेछन् ।

प्रतियोगिता अन्तर्गत सबै खेलहरु पोखरा रंगशालामा हुनेछ । प्रतियोगिताको औपचारिक उद्घाटन बुधबार दिउँसो ३ बजे हुने प्रदेश परिषद गण्डकीका सदस्य सचिव शर्माले जानकारी दिए ।

प्रतियोगिताको लागि कूल १ करोड ८२ लाख बजेट छुट्याइएको छ । जसमा १ करोड ५० लाख राष्ट्रिय खेलकुद परिषद र ३२ लाख प्रदेश खेलकुद परिषद गण्डकीले बेहवर्ने शर्माले जानकारी दिए ।



मल्टिमिडिया ग्यालरी


© Nepali horoscope

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.