विश्वकप लिग-२ : नामिबियाविरुद्ध दोस्रोपटक भिड्दै नेपाल, पहिलो हारको बदला लिने योजना
Advertisement
०९ फागुन, काठमाडौँ । आइसीसी विश्वकप लिग–२ अन्तर्गत नेपालले आज नामिबियासँग खेल्दै छ ।
त्रिकोणात्मक सिरिज अन्तर्गत नेपाल र नामिबिया दोस्रो पटक आमने सामने हुन लागेका हुन् । यो खेल विहान साढे ९ बजे त्रिवि क्रिकेट मैदान कीर्तिपुरमा हुने छ ।
नेपाल रोहित पौडेल तथा नामिबिया जेराल्ड इरास्मसको कप्तानीमा रहेको छ ।
पहिलो खेलमा नेपाल नामिबियासँग ४ विकेटले पराजित भएको थियो । पहिला ब्याटिङ गरेको नेपाल १३२ रनमै अलआउट भएको थियो । त्रिवि क्रिकेट मैदानमा पहिला ब्याटिङ गर्ने टोलीले हार्ने गरेकाले आजका खेलमा पनि टसको महत्वपूर्ण भूमिका हुने छ ।
टस जित्ने टोलीले पहिला फिल्डिङ रोज्दा हारेर ब्याटिङ गर्ने टोली समस्यामा पर्ने गरेको छ ।
नेपाल जारी सिरिजमा एकमा जित र एकमा हार व्यहोरेको छ । नेपालले नेदरल्याण्ड्सलाई पराजित गरेको थियो ।
Comments
