कछुवा, मुसा र किरा लिएर अन्तरीक्ष गयो इरानको सलमान

0 23

२२ मंसिर, काठमाडौं । इरानले बुधबार अर्थात् डिसेम्बर ६ का दिन एउटा रकेटमा केही जीवहरुलाई राखेर अन्तरीक्षमा पठाएको छ ।

इरानी सञ्चारमन्त्री इसा जारेपोरले यस्तो जानकारी दिएकी हुन् । उनका अनुसार इरानले भविष्यमा अन्तरीक्षमा मानिस पठाउने तयारी गरिरहेको छ । सोही तयारी स्वरुप उसले जनावरलाई राखनेर अन्तरीक्षयान प्रक्षेपाण गरेको हो ।

इरानले अन्तरीक्षमा पठाएको सो रकेटको नाम ‘सलमान’ हो । सलमान पृथ्वीबाट १३० किलोमिटरको उचाइमा रहेको कक्षसम्म गएको छ ।

इसाका अनुसार रकेटको माथि ५ सय केजीको क्याप्सुल थियो । रकेट र क्याप्सुल दुबै इरानमै बनेका हुन् । सोही क्याप्सुलमा ती जनावरहरुलाई राखेर अन्तरीक्षमा पठाइएको हो ।

यता पश्चिमी देशहरुलाई इरानले भने यही रकेटको मद्दतबाट परमाणु ब्यालेस्टिक मिसाइन पनि बनाउन सक्ने डर छ । प्रायः इरानले सफलतापूर्वक स्याटेलाइट वा अन्तरीक्षयान प्रक्षेपण गरेको दाबी गर्ने गरेको छ । सेप्टेम्बरमा मात्रै इरानले तथ्यांक संकलन गर्न स्याटेलाइट अन्तरीक्षमा प्रक्षेपण गरेको थियो ।

सन् २०२० को अप्रिलमा इरानले सैन्य स्याटेलाइट प्रक्षेपण गरेको थियो, जसको पश्चिमा जगतमा निकै आलोचना भएको थियो । तर इरानले भने आफूले कुनै परमाणु हतियार बनाउन नलागेको बताउँदै आएको छ । स्याटेलाइट तथा रकेटको प्रक्षेपण आफ्ना नागरिक तथा रक्षा क्षेत्रको भलाइका लागि रहेको उसको दाबी छ ।

इरानले अन्तर्राष्ट्रिय आणविक ऊर्जा एजेन्सीसँगै विभिन्न शक्ति मुलुकहरुसँग गरेको सम्झौता अनुसार उसले परमाणु प्रविधिको प्रयोग केवल आम मानिसको भलाइका लागि मात्र गर्न सक्दछ ।
– एजेन्सी



मल्टिमिडिया ग्यालरी


© Nepali horoscope

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.