Advertisement

सार्वजनिक संस्थानमा सरकारको पौने ८ खर्ब लगानी, सबैभन्दा बढी विद्युत प्राधिकरणमा

0 62

Advertisement

२२ कार्तिक, काठमाडौँ । सरकारले हालसम्ममा सार्वजनिक संस्थानमा पौने ८ खर्ब रुपैयाँभन्दा बढी लगानी गरेको छ । सार्वजनिक ऋण व्यवथास्थापन कार्यालयले मंगलबार सार्वजनिक गरेको सार्वजनिक संस्थानको लगानी तथा ऋण प्रतिवेदन अनुसार गत आर्थिक वर्ष २०७९/८० सम्म नेपालका सार्वजनिक संस्थानमा सरकारकाे ७ खर्ब ८३ अर्ब ८७ करोड ७५ लाख ५६ हजार रुपैयाँ लगानी भएकाे छ ।

सरकारले हालसम्म सञ्चालन गरेका १४८ सार्वजनिक संस्थानमा ऋण र सेयरसमेत गरी उक्त रकम लगानी गरेको प्रतिवेदनमा उल्लेख छ ।

यस्तो रकममध्ये सेयर लगानी ३ खर्ब ८६ अर्ब ७ करोड २७ लाख ८६ हजार रुपैयाँ रहेको छ भने ऋण लगानी भने ३ खर्ब ९७ अर्ब ८० करोड ४७ लाख ७० हजार रुपैयाँ रहेको छ । सरकारले गरेको यस्तो लगानीमध्ये ५१ प्रतिशत ऋण र ४९ प्रतिशत सेयर लगानी रहेको छ ।

हालसम्म भएकाे यस्ताे लगानीमा नेपाल सरकारको आन्तरिक स्रोतबाट १ खर्ब ५२ अर्ब १५ करोड र वैदेशिक लगानीबाट २ खर्ब ४५ अर्ब ६४ करोड रुपैयाँ लगानी भएको छ ।

यस्तो लगानी हालसम्म सञ्चालनमा आएका र बन्द भएकामा समेत गरी १४८ सार्वजनिक संस्थान तथा निकायमा गरेको लगानी हो ।

नेपाल सरकारले लगानी गरेकामध्ये सबैभन्दा बढी सेयर लगानी नेपाल विद्युत प्राधिरकणमा छ । यो संस्थामा सरकारको १ खर्ब ७४ अर्ब रुपैयाँ सेयर लगानी पुगेको छ ।

त्यसपछि दोस्रो धेरै सेयर लगानी नेपाल नागरिक उड्डयन प्राधिकरणमा ६२ अर्ब रुपैयाँ छ । सरकारले गरेको सेयर लगानीमध्ये १० औ नम्बरमा नलगाड हाइड्रोपावर छ । यसमा सरकारले ४ अर्ब ९४ करोड रुपैयाँ गत आर्थिक वर्षससम्ममा सेयर लगानी गरेको छ ।



मल्टिमिडिया ग्यालरी


© Nepali horoscope

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.