०३ कार्तिक, काठमाडाैं । आज शुक्रबार फेरि सुनको भाउले नयाँ कीर्तिमान कायम गरेको छ । नेपाल सुनचाँदी व्यवसायी महासंघका अनुसार आज सुनको भाउ प्रतितोला १ लाख १५ हजार ५०० रुपैयाँ र तेजाबी सुन प्रतितोला १ लाख १४ हजार ९५० रुपैयाँ कायम भएको छ । नेपालमा यो हालसम्मकै उच्च मूल्य हो ।
आज सुनको भाउ तोलामा १ हजार ८०० रुपैयाँले बढेको छ । हिजो सुनको भाउ तोलामा ५०० रुपैयाँले बढेको थियो । यो दिन सुन प्रतितोला १ लाख १३ हजार ७०० रुपैयाँ र तेजाबी सुन प्रतितोला १ लाख १३ हजार १५० रुपैयाँमा कारोबार भएको थियो । जुन हालसम्मकै उच्च थियो ।
आज चाँदीको भाउ तोलामा ५ रुपैयाँले बढेर १ हजार ४०० रुपैयाँ कायम भएको छ । हिजो तोलामा १५ रुपैयाँले घटेर चाँदी १ हजार ३९५ रुपैयाँमा कारोबार भएको थियो ।
Comments
