२४ भदौ, काठमाडौं । नेकपा माओवादी केन्द्रले पार्टी रुपान्तरण अभियानअन्तर्गत काठमाडौंको बौद्धस्थित टुसालमा असक्त, असहाय र दृष्टिविहीनलाई राहत वितरण गरेको छ ।
हरितालिका तीजका अवसरमा माओवादी सम्वद्ध अखिल नेपाल ट्रेड युनियनअन्तर्गतको यातायात मजदुर संघको पहलमा आइतबार बिहान राहत वितरण गरिएको हो ।
कार्यक्रममा माओवादी केन्द्रका उपमहासचिव एवं पूर्वअर्थमन्त्री वर्षमान पुनले अपांगता भएका र दृष्टिविहीन भएका ३५ परिवारलाई चामल, नुन, तेललगायत खाद्य सामग्री वितरण गरे ।
कार्यक्रममा पुनले आफूहरुले दया र निहागको रुपमा नभई सद्भाव र उपहारका रुपमा खाद्य सामग्री वितरण गरेको बताए ।
Comments
