Advertisement

प्रधानमन्त्रीको चीन भ्रमणको अजेन्डा तय गर्न सिंहदरबारमा बैठक जारी

0 13

Advertisement

२४ भदाै, काठमाडौं । प्रधानमन्त्री पुष्पकमल दाहाल प्रचण्डले गर्ने चीन भ्रमणका अजेन्डा तय गर्न सिंहदरबारमा बैठक बसिरहेको छ। पूर्वप्रधानमन्त्री, संसद्‌मा प्रतिनिधित्व गर्ने दल नेता र पूर्व परराष्ट्रमन्त्रीहरुको बैठक सिंहदरबारस्थित प्रधानमन्त्री तथा मन्त्रिपरिषद्‌को कार्यालयमा बसिरहेको हो।

प्रधानमन्त्री प्रचण्ड असोजको पहिलो साता चीनको औपचारिक भ्रमणमा जाने तयारी छ। उनी संयुक्त राष्ट्रसंघको महासभामा भाग लिन अमेरिका जाने र अमेरिकाबाट सोझै चीन जाने बताइएको छ।

एसियाली खेलकुदको उद्घाटन समारोहमा सहभागी हुन प्रधानमन्त्री प्रचण्ड चीनको हाङजाओ पुग्नेछन्। प्रधानमन्त्री प्रचण्डले आफ्नो चीन भ्रमणका क्रममा सडक, विद्युत् र भन्सार पूर्वाधार निर्माणका विषयमा समझदारी हुने बताउँदै आएका छन्।

यस्तै, पोखरा विमानस्थलको निर्माणका क्रममा चीनबाट उपलब्ध भएको ऋण सहयोगलाई अनुदानमा परिवर्तन गर्ने र थप केही नाकाहरु खोल्ने विषयमा नेपालले प्रस्ताव गर्ने तयारी छ।

आइतबार बिहान सिंहदरबारमा जारी बैठकमा प्रधानमन्त्री प्रचण्डसहित पूर्वप्रधानमन्त्री शेरबहादुर देउवा, केपी शर्मा ओली, माधव कुमार नेपाल लगायत सहभागी छन्।



मल्टिमिडिया ग्यालरी


© Nepali horoscope

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.