Advertisement

सिटीनेट नेपालको अध्यक्ष विराटनगर महानगरपालिका

0 11

Advertisement

२१ भदौ, विराटनगर । स्थानीय तहको अन्तर्राष्ट्रिय सञ्जाल सिटिनेट नेपाल च्याप्टरको अध्यक्षमा विराटनगर महानगरपालिका चयन भएको छ ।

विराटनगरमा भएको नेपाल च्याप्टरको अधिवेशनबाट विराटनगर महानगरपालिकालाई अध्यक्ष चुनिएको हो । अधिवेशनबाट १३ सदस्य समिति गठन गरेको छ ।

नेपाल च्याप्टरको उपाध्यक्षमा बुटवल उपमहानगरपालिका, महासचिवमा तानसेन नगरपालिका, कोषाध्यक्ष भीमदत्त नगरपालिका छन् ।

सदस्यहरूमा पोखरा, भरतपुर, ललितपुर महानगरपालिकासहित जितपुरसिमरा, हेटौंडा उपमहानगरपालिका र वीरेन्द्रनगर नगरपालिका छन् । संस्थागत सदस्यहरूमा भूकम्प प्रविधि समाज नेपाल र अनौपचारिक क्षेत्र सेवा केन्द्र इन्सेक छन् ।

नयाँ कार्यसमितिको कार्यकाल चार वर्षको हुनेछ ।

विराटनगरमा भएको अधिवेशनले सदस्य पालिकाहरूको प्रविधियुक्त, सुरक्षित तथा प्रभावकारी सहरी विकास प्रणालीको प्रवद्र्धन, फोहोर मैला व्यवस्थापन, दिगो विकास लक्ष्य २०३० र गुणस्तरीय विकास व्यवस्थापन र कार्यान्वयनमा हुने सहकार्य गर्ने निवर्तमान अध्यक्ष तथा हेटौडा उपमहानगरपालिकाका मेयर मिनाकुमारी लामाले जानकारी दिइन् ।

विराटनगर भेलाले स्थानीय विपद् जोखिम न्यूनीकरण तालिम तथा अनुसन्धान केन्द्रको स्थापना गर्ने निर्णय पनि गरेको छ । अनुसन्धान केन्द्रका लागि हेटौंडा उपमहानगरपालिकाले जग्गा प्रदान गर्ने र सदस्य पालिकाहरुको सहकार्यमा सञ्चालनमा ल्याउने निर्णय गरेको हो ।

१६ वटा नगरपालिकाका प्रमुख तथा उपप्रमुख सहभागी भएको अधिवेशनले विधान पनि पारित गरेको छ । सिटिनेट अन्तर्राष्ट्रिय संस्थाको नेपाल च्याप्टरमा २१ नगरपालिका संस्थागत सदस्यहरू छन् । २०५८ सालमा सिटीनेटको नेपाल च्याप्टर गठन भएको थियो ।



मल्टिमिडिया ग्यालरी


© Nepali horoscope

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.