Advertisement
०२ चैत, काठमाडौं । अमेरिकाले लोकप्रिय भीडियो एप टिकटकमाथि पुन: प्रतिबन्ध लगाउने प्रयास थालेको टिकटकका प्रवक्ताले दावी गरेका छन्। समाचार एजेन्सी रोयटर्सले टिकटकका प्रवक्तालाई उल्लेख गर्दै यो जानकारी दिएको हो।
अमेरिकी सरकारले चीनका टिकटक मालिकले यो कम्पनीको सेयर नबेचेमा उसमाथि प्रतिबन्ध लगाउन सक्ने बताइएको छ। अमेरिकामा टिकटकका १० करोडभन्दा धेरै ग्राहक रहेका छन्।
टिकटकले अमेरिकी उपभोक्ताको तथ्यांक चीन सरकारसँग सेयर गर्ने गरेको अमेरिकाले लामो समयदेखि आरोप लगाउँदै आएको छ। यही विषयलाई लिएर टिकटक कम्पनी र अमेरिकी सरकारको सम्बन्ध यसअघि पनि तनावपूर्व रहँदै आएको छ।
सन् २०२० मा पूर्व राष्ट्रपति डोनाल्ड ट्रम्पको शासनकालमा अमेरिकाले टिकटकमाथि प्रतिबन्ध लगाएको थियो। तर पछि अमेरिकी अदालतले सरकारको निर्णय खारेज गरिदिएको थियो। अहिलेको जोन बाइडनको कार्यकालमा पहिलो पटक टिकटकमाथि प्रतिबन्ध लगाउने खतरा देखिएको बताइएको छ।
Comments
