आज सेयर कारोबार बन्द, साेमबार मात्र खुल्ने
१० पुस, काठमाडाैं । सेयर बजार पुस १० गते आइतबार (आज) बन्द रहनेछ ।
सरकारले क्रिसमस डे को अवसरमा आज सार्वजनिक विदा दिएसँग सेयर बजार पनि बन्द भएको हो ।
अब भोलि सोमबार मात्रै सेयर बजार खुल्नेछ । सोमबार बिहान साढे १० बजे प्रि ओपनिङ्ग सेसन र त्यपछि बिहान ११ बजेदेखि नियमित सत्रमा कारोबार खुल्नेछ ।
बिहीबार नेप्से सूचक ०.०१ अंकले घटेर १८६७.२१ बिन्दुमा बन्द भएको छ । नेप्से झिनो अंकले ऋणात्मक भएर बन्द भएको बजारमा १ अर्ब ११ करोड रुपैयाँको सेयर खरिद बिक्री भएको छ ।
हरेक वर्ष २५ डिसेम्बरमा येशु ख्रिष्टको जन्मदिनको खुसियाली मनाउने परम्पराअनुसार नेपालसहित संसारभरका क्रिश्चियन धर्मालम्बीले क्रिसमस मनाउँदैछन् । २००० वर्षअघि जेरुसेलमको बेथलेहममा कन्या मारियमको कोखबाट येशुको जन्म भएको मानिन्छ । येशुलाई जिसस क्राइस्ट पनि भनिन्छ । उनले मानव समुदायका लागि पुर्याएको योगदानको सम्झनामा इस्वी संवत् चलाइएको विश्वास गरिन्छ । क्रिसमस डेका अवसरमा सरकारले आज सार्वजनिक बिदा समेत दिएको छ ।नेपालमा चार सय वर्ष अघिबाट क्रिसमस मनाउन थालिएको बताइन्छ ।