Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

सवारीसाधन आयातको रोकले व्यवसायी नै जोगिएका छन्ः गभर्नर

0 37

१५ मंसिर, काठमाडाैं । नेपाल राष्ट्र बैंकका गभर्नर महाप्रसाद अधिकारीले सवारी साधान आयातमा लगाएको प्रतिवन्धले अटो व्यवसायीलाई नै संरक्षण र हित गरेको बताएका छन् ।

नेपाल आर्थिक पत्रकार (समाज) को २६औं वार्षिकोत्सव कार्यक्रममा बोल्दै अधिकारीले पेट्रोलियम सवारी साधन आयात नरोकेको भए यो व्यवसाय गर्ने व्यवसायी अझै ठूलो ऋण र अझै चर्को ब्याजको मारले थलिएका हुने उल्लेख गरे ।

“व्यवसाय गर्न पाइएन भन्नु हुन्छ, सवारी साधन आयात नरोकेको भए तपाईहरु नै अझै ठूलो ऋणको भार र चर्को ब्याजको मारमा पर्नु हुने थियो, उनले भने, तपाइहरु भाग्यमानी ठान्नुस आयातमा भएको प्रतिबन्धले तपाइहरुलाई जोगाएको छ ।”

Subscribe to our newsletter

अर्थतन्त्र सधै एकै गति र दिशामा नहुने भन्दै गलत दिशामा जान लाग्दा समग्र हित हेरेर उपकरण प्रयोग गर्ने उल्लेख गर्दै सरकारले राजश्व संकलनमा क्षति ब्यहोरेरै भए पनि आयातमा रोक लगाएको बताए ।

‘यो आयात सधैलाई रोकिएको होइन, सहनै नसक्ने अवस्थामा रोक लगाएर जाने हो, गलत उपकरण प्रयोग गरेर झन संकटमा पुराउन हुन्न भन्नेमा हामी सचेत छौ, उनले भने ।

अर्थतन्त्रका सूचकहरु गत वर्षको निरासाजनक अवस्थाबाट पुनः सहि दिशामा फर्किरहेको उल्लेख गरे । राजश्व संकलनमा क्षति भए पनि विदेशी मुद्रा सञ्चतिलगायतका विषयमा सुधार आएको उनले बताए ।

गभर्नर अधिकारीले अर्थतन्त्र सुधारोन्मुख भएको भन्दै विदेशी मुद्रा सञ्चिति बढ्दै गएको र समस्या समाधान भइरहेको बताए ।

बजार सुधारका लागि आफूहरु खुला भएको भन्दै उनले यसबाट निजी क्षेत्र सशङ्कित हुनुनपर्ने बताए । “समस्या समाधानका लागि हामी खुला छौँ”, उनले भने, “केही समस्या छन् भने समाधानका लागि हामी खुला छौँ ।”



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.