Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

मक्सले टेस्लाको सेयर बिक्री गरेपछि सेयर मूल्यमा गिरावट

0 52

२४ कात्तिक, काठमाडाैं । विद्युतीय कार निर्माता कम्पनी टेस्लाका संस्थापक तथा प्रमुख कार्यकारी अधिकृत एलन मक्सले टेस्लाको सेयर बिक्री गरेपछि सेयर मूल्यमा भारी गिरावट आएको छ । टेस्लाको सेयर दुई वर्ष यताकै कम हुन पुगेको हो ।

एलन मक्सले ३ अर्ब ९५ करोड डलर बराबरको सेयर बिक्री गरेका छन् । उनले सेयर बिक्री गरेपछि सेयरको मूल्य एकै दिनमा ७.२ प्रतिशतले घटेर आज १७७.५९ डलरमा कारोबार भइरहेको छ ।

सन् २०२२ को सुरुवातमा ३९९.०५ डलर प्रति कित्तामा कारोबार भइरहेको टेस्लाको सेयर आज १७७.५९मा भइरहेको छ । मक्सले विभिन्न समयमा टेस्लाको सेयर बेच्दै आएका छन् । जसकारण टेस्लाको सेयर मूल्यमा निरन्तर गिरावट आएको छ ।

Subscribe to our newsletter

सन् २०२२ को अप्रिल महिनामा ट्वीटरको ९ प्रतिशत सेयर खरिदका लागि र अगस्टमा ट्वीटर अधिग्रहण प्रक्रिया अगाडि बढिरहँदा मक्सले टेस्लाको सेयर बिक्री गरेका थिए ।

हालै मक्सले सामाजिक सञ्जाल ट्वीटर अधिग्रहण गरेका छन् । ट्वीटरकै फाइनान्सीङका लागि उनले टेस्लाको सेयर बेचेको आकलन लगानीकर्ताहरुले गरिरहेका छन्।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.