Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

चीनमा कोभिड संक्रमण फैलिँदै जाँदा कच्चा तेलको माग घट्यो, मूल्यमा पनि गिरावट

0 33

२२ कात्तिक, काठमाडाैं । विश्वभर कोभिड–१९ संक्रमण कम हुँदै गरेको समयमा, चीनमा संक्रमण बढिरहेको छ ।

कोभिड–१९ नियन्त्रणका लागि चीनले शून्य कोभिड नीति अवलम्बन गरिरहेको छ । जसकारण उद्योग, कलकारखाना बन्द रहेका छन् । चीनले कोभिड संक्रमण नियन्त्रण गर्नका लागि आवागमन र उद्योग, कलकारखानाहरु बन्द गर्दा चीनमा कच्चा तेलको माग घटेको छ ।

चीनमा बढ्दो कोभिड संक्रमण र विश्व अर्थतन्त्र मन्दी उन्मुख हुँदा कच्चा तेलको मागमा कमी आएको छ । यसैबीच कच्चा तेलको मूल्यमा पनि गिरावट आएको छ।

Subscribe to our newsletter

आज ब्रेन्ट क्रुडले ९७.६१ डलर प्रति ब्यारलमा काम गरिरहेको छ भने वेस्ट टेक्सास इन्टरमिडियट (डब्लुटीआई)ले ९१.४३ डलर प्रति ब्यारलमा कारोबार गरिरहेको छ ।

यस साताको सुरुवातको मूल्यको तुलनामा ब्रेन्ट क्रुड ०.३ प्रतिशत प्रति ब्यारलले घटेको छ भने डब्लुटीआई ०.४ प्रतिशत प्रति ब्यारलले घटेको छ । चीनको गुहाङज्उ सहरमा कोभिड संक्रमण फैलिँदै गएपछि चीनका केही सहरहरुमा लकडाउन कायम नै रहेको छ ।

कोभिड–१९ संक्रमणका कारण चीनका मुख्य औद्योगिक सहरहरुमा लकडाउन गरिएको छ । जसकारण तेलको मागमा कमी आएको छ । लकडाउन कायमै रहँदा चीनको अक्टोबर महिनाको व्यापारमा पनि सन् २०२० मे महिना यताकै कमी आएको छ ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.