७३ हजार डाउन पेमेन्टमा हिरो एक्स्ट्रीम १६० आर किन्न सकिने
३१ असाेज, काठमाडाैं । हिरो मोटरसाइकलको नेपालका लागि एनजीएम हिरोले संचालन गरेको फाइनान्स स्कीममा मोटरसाइकल तथा स्कुटर किन्नेले आफ्नो आवश्यकता अनुसारको डाउन पेमेन्ट बुझाएर मोटरसाइकल खरिद गर्न सक्नेछन् । कम्पनीले ल्याएको फाइनान्स स्कीम अन्तर्गत शून्यदेखि ६० प्रतिशतसम्म डाउन पेमेन्ट गरेर मोटरसाइकल खरिद गर्न सकिन्छ ।
यो स्कीममा हिरो एक्स्ट्रीम १६० आर किन्न चाहाने ग्राहकले ७२ हजार ८०० रुपैयाँ बुझाएर डाउन पेमेन्ट वापत बुझाएर मोटरसाइकल किन्न सक्नेछन् । ३ लाख ६९ हजार मूल्य रहेको मोटरसाइकलको उक्त डाउन पेमेन्ट रकम २० प्रतिशत हो ।
यसरी लिइएको मोटरसाइकलको बाँकी रकम भने ग्राहकले १ वा २ वर्षको किस्तामा तिर्नु पर्ने हुन्छ । २० प्रतिशत मात्रै डाउन पेमेन्ट गर्ने ग्राहकले १६ प्रतिशत हाराहारी ब्याज तिर्नु पर्छ । यसरी २० प्रतिशत मात्रै डाउन पेमेन्टमा मोटरसाइकल किन्नेले मासिक १४ हजार २५८ रुपैयाँ किस्ता तिर्नु पर्छ ।
यस्तो छ मोटरसाइकल
एक्स्ट्रीम १६० आरमा १६० सीसी, सिंगल सिलिन्डर एफआई इन्जिन रहेको छ । यो इन्जिनले ८५०० आरपीएममा १५.२ बीएच पावर र ६५०० आरपीएममा १४ एनएम टर्क प्रदान गर्नेछ । यसमा कम्पनीले अटो शेल टेक्नोलोजी प्रयोग गरेको जनाएको छ । यसमा ५ स्पीडको गियरबक्स जडान गरिएको छ ।
यसमा अगाडि ३७ एमएमको फर्क र पछाडि ७ स्टेप एड्जस्टेवल मोनोशक दिइएको छ । साथै, दुबै चक्कामा पेटल टाइप डिस्क ब्रेक दिइएको छ भने सिंगल च्यानल एबीएस उपलब्ध रहेको छ ।
कम्पनीले यसमा सबै किसिमका लाइट एलइडी प्रयोग गरेको छ भने यसमा पूर्णत डिजिटल डिस्प्लेको प्रयोग गरेको छ ।