Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

देशभर ४२४ फास्ट चार्जिङ स्टेसन निर्माणको योजना बुन्दै लगानी बोर्ड

0 76

१२ असाेज, काठमाडाैं । सरकारको लक्ष्य अनुसार सन् २०२५ मा विद्युतीय साना सवारीको बिक्री २५ प्रतिशत र ठूला विद्युतीय बसको बिक्री हिस्सा २० प्रतिशत पु¥याउने लक्ष्य राखेको छ । यस्तो लक्ष्य तय भए पनि त्यस्ता सवारीसाधन सञ्चालनको लागि आवश्यक विद्युतीय फास्ट चार्जिङ स्टेसन निर्माण भने भइरहेको छैन ।

नेपाल विद्युत् प्राधिकरणले देशभर ५१ चार्जिङ स्टेसन निर्माण अन्तिम चरणमा पु-याएको छ । देशैभर ठूला क्षमताका चार्जिङ नबनाउने हो भने विद्युतीय बिक्री प्रवर्द्घनको योजना प्रभावित हुने देखिन्छ । यही समस्या बुझेर लगानी बोर्डले देशैभर सार्वजनिक निजी साझेदारीमा ४२४ फास्ट चार्जिङ स्टेसन बनाउने योजना बनाएको छ ।

सातै प्रदेशका मुख्य सहर तथा उच्च जनघनत्व युक्त क्षेत्रमा चार्जिङ स्टेसन बनाउन निजी क्षेत्रको लगानी प्रबर्द्धन गर्दा व्यवसायिक हिसाबले पनि लाभग्रही हुने बोर्डको अध्ययनले देखाएको छ ।

Subscribe to our newsletter

बोर्डले बनाएको प्रारम्भिक खाका अनुसार प्रत्येक चार्जिङ स्टेसन न्यूनतम १ हजार २ सय वर्गमिटर क्षेत्रफलमा फैलने छन् । ४३० किलोवाट क्षमताको चार्जिङ स्टेसनमा दुई ठूला बससहित ५ सवारीसाधन एकैपटक चार्ज गर्न मिल्ने व्यवस्था हुनेछ । चार्जिङ स्टेसनसँगै मिनिमार्ट, शौचालय तथा आराम कक्षहरू पनि रहनेछन् ।

सम्भव हुने स्थानमा सोलार पिभी सिस्टम पनि जडान गर्न उपयुक्त हुन्छ । बोर्डले यो परियोजनामा काठमाडौँ उपत्यका बाहिर नै चार्जिङ स्टेसन अनुसन्धान तथा विकास केन्द्र स्थापना गर्नपर्ने उल्लेख गरेको छ । ४२४ चार्जिङ स्टेसनले वार्षिक करिव ९० हजार सवारी साधनलाई सुविधा दिनेछ ।

चार्जिङ स्टेसनको यो संरचना निर्माणका लागि कुल १४ करोड ४० लाख अमेरिकी डलर लागत लाग्ने प्राथमिक अनुमान छ । पेट्रोलियम खपत न्यूनीकरण गर्ने र यसबाट वातावरण संरक्षणमा योगदान गर्ने भएकाले ग्लोबल क्लाइमेट फन्डको रकम पनि परिचालन गर्न सकिने उल्लेख छ ।

लगानी बोर्डले सो परियोजना विकासका लागि पूर्वसम्भाव्यता तथा सम्भाव्यता अध्ययन गर्ने र परियोजना बैंकमा राखी लगानीकर्तालाई परियोजना जिम्मा दिने योजना बनाएको छ ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.