Advertisement
११ असाेज, काठमाडौं । ‘प्रेमगीत ३’ यतिबेला चर्चामा छ । पब्लिसिटी र सेन्सरको क्रममा यसले प्राप्त गरेको ‘हाइप’ कमै फिल्मलाई हुनेगर्छ । यतिबेला धेरैको चासो फिल्मले कति कमायो भन्ने हो ?
फिल्मको कमाइलाई लिएर चलचित्र विकास बोर्डको बक्सअफिस र निर्माताबीचको तथ्यांक बाझिएको छ । निर्माता सुवास कालेले फिल्मको नेपाली संस्करणले नेपालमा सुरुआती तीन दिनमा ५ करोड २० लाख रुपैयाँ कमाएको तथ्यांक उल्लेख गरेका छन् ।
चलचित्र विकास बोर्डले चाहिँ सोमबार बेलुकासम्म नेपाली संस्करणले देशब्यापी ३ करोड ७६ लाख रुपैयाँ ग्रस कमाइ गरेको जनाएको छ । बोर्डका अनुसार सोमबार रिलिज भएको हिन्दी संस्करणले ५३ लाख रुपैयाँ कमाइ गरेको छ ।
बोर्डले उपलब्ध गराएको तथ्यांकलाई केलाउँदा र बक्सअफिस सर्भर जडान नभएका कतिपय हलको तथ्यांक विश्लेषण गर्दा फिल्मको तीन दिने कमाई ४ करोड हारहारी हुने अनुमान गरिएको छ ।
कूल मिलाएर नेपालमा ‘प्रेमगीत ३’ को हिन्दी र नेपाली संस्करणको कूल कमाई साढे चार करोड आसपास हुने अनुमान छ ।
Comments
