Advertisement
२२ असार, अछाम । हत्या आरोपमा मुछिएका पञ्चदेवल विनायक नगरपालिकाका मेयर अम्बिका चलाउनेमाथि मुद्दा नचल्ने भएको छ ।
पन्चदेवल विनायक नगरपालिका–४ का १५ वर्षीय विनोद शाहीको हत्या आरोपमा मेयर चलाउने र १२ जना नेता, कार्यकर्ताको नाममा जेठ २६ गते किटानी जाहेरी दर्ता भएको थियो ।
हत्यामा संलग्न भएको कुनै पनि प्रमाण नभएको पाइएपछि मेयर अम्बिकामाथि मुद्दा नचल्ने निर्णय भएको सरकारी वकिल कौशल ढुंगानाले जानकारी दिए ।
त्यस्तै अन्या दुईजनामाथि पनि मुद्दा नचल्ने भएको छ । नेत्रबहादुर शाही र रामबहादुर शाही पनि हत्यामा संलग्न भएको कुनै पनि प्रमाण नभएको ढुंगानाले जानकारी दिए । घटनामा तीनै जनाको संलग्नता भएको कुनै प्रमाण नभएको प्रतिवेदन फाइल सरकारी वकिल कार्यालयमा बुझाएको थियो ।
मुलुकी अपराधसंहिता २०७४ को दफा ३१ अनुसार प्रमाण नपुगेको भन्दै सरकारी वकिल कौशल ढुंगानाले मुद्दा नचल्ने निर्णय गरेका हुन् ।
Comments
