Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

तनहुँमा जिपको ठक्करबाट मोटरसाइकलमा सवार २ जनाको मृत्यु

0 47

१५ असार, तनहुँ । तनहुँको ब्यास नगरपालिका–१२ देउरालीमा जिपको ठक्करबाट मोटरसाइकलमा सवार दुई जनाको मृत्यु भएको छ ।

डुम्रेबाट दमौलीतर्फ आउँदै गरेको बा ४३ प ३०२० नम्बरको मोटरसाइकललाई हिजो साँझ ६ बजे विपरीत दिशाबाट जाँदै गरेको ग ३ च ४१८२ नम्बरको जिपले ठक्कर दिएको थियो । सो दुर्घटनामा मोटरसाइकल चालक मकवानपुरको भिमफेदी गाउँपालिका १ का २६ वर्षीय जयराम मोक्तान र मोटरसाइकलमा पछाडि सवार सोही स्थानका २३ वर्षीय दीपेश गोलेको मृत्यु भएको हो ।

दुर्घटनामा गम्भीर घाइते भएका उनीहरुको उपचारका क्रममा रत्नहरी अस्पताल दमौलीमा मृत्यु भएको प्रहरीले जनाएको छ । जिपसहित चालकलाई जिल्ला प्रहरी कार्यालय तनहुँले नियन्त्रणमा लिएको छ ।

यसैगरी प्युठानको ऐरावती गाउँपालिका–४ धुवाङमा गएराति सुदूरपश्चिम प्रदेश ०१–००२ त ५२१२ नम्बरको ट्याक्टरबाट खसेर स्थानीय ३८ वर्षीया शान्ता रोकाको मृत्यु भएको छ । ट्याक्टरबाट खसेर गम्भीर घाइते भएकी उनको उपचारको क्रममा जिल्ला अस्पताल बिजुवारमा मृत्यु भएको प्यूठान प्रहरीले जनाएको छ ।

यस्तै मोरङको रंगेली नगरपालिका ७ मा मंगलबार दिउँसो साढे ३ बजे माउन्टेन मकालु बोर्डिङ स्कुलको को १ क ११३० नम्बरको बसले ठक्कर दिंदा स्थानीय महादेव मण्डलका ४ वर्षीय छोरा रितिकको मृत्यु भएको छ । बसको ठक्करबाट घाइते भएकी नरेश मण्डलकी ५ वर्षीया छोरी सनम कुमारीलाई थप उपचारका लागि विराटनगर लगिएको छ ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.