आज पाँचौं भलिबल दिवस, विभिन्न कार्यक्रम गरि मनाईदै
०८ जेठ, काठमाडौं । विगत पाँच वर्ष यता नेपाली खेलकुद जगतमा भलिबललाई राष्ट्रिय खेल मानिदै आएको छ । सरकारले २०७४ जेठ ८ गतेको दिन भलिभबललाई राष्ट्रिय खेल घोषणा गरेको थियो ।
तत्कालिन पुष्पकमल दाहाल (प्रचण्ड) नेतृत्वको सरकाले भलिबललाई नेपाली माटो सुहाउँदो खेल र यो खेल नेपालको जुनसुकै स्थानमा पनि सहजै खेल्न सकिने भन्दै भलिबललाई राष्ट्रिय खेल घोषण गरेको थियो ।
युवा तथा खेलकुद मन्त्री दलजित श्रीपाईलीको पहलमा मन्त्रीपरिषदबाट भलिबललाई राष्ट्रिय खेलको रुपमा घोषणा गरिएको थियो ।
सोहि दिनको सम्झना नेपालमा जेठ ८ गते आजकै दिन भलिबल दिवस विभिन्न औपचारिक कार्यक्रमको आयोजना गरि मनाइदै आएको छ ।
विगत केहि वर्ष कोरोना महामारीका कारण भलिबल दिवसको दिन आयोजना गरिने औपचारिक कार्यक्रमहरु प्रभावित बन्दै आएको थियो । तर, यस वर्ष भने कोरोनाको जोखिम कम भएसँगै भलिबल दिवस विविध कार्यक्रमको आयोजना गरि मनाइदै छ ।
पाँचौं भलिबल दिवसको अवसरमा आज जावलाखेल भलिबल प्रशिक्षण केन्द्रले जावलाखेलमा मैत्रीपूर्ण खेल तथा विविध कार्यक्रमको आयोजना गर्दैछ ।
यसैगरी नेपाली महिला भलिबलको क्षेक्रमा छुट्टै पहिचान बनाउन सफल न्यु डायमन्ड स्पोर्ट्स क्लबले पनि आज आफ्नै प्रांगणमा विविध कार्यक्रमको आयोजना गर्दैछ ।