फोर्डले २०२३ को अन्त्सम्ममा प्रति वर्ष ६ लाख ईलेक्ट्रिक भेहिकल उत्पादन गर्ने
०५ मंसीर, एजेन्सी । फोर्डले कुनै दिन अमेरिकामा आधारित सबैभन्दा ठूलो ईलेक्टीक भेहिकल (ईभी) निर्माता बन्ने महत्वाकांक्षा राखेको छ र यसको अर्थ यसको उत्पादनलाई ठूलो मात्रामा बढाउनु हो।
कम्पनीका सीईओ जिम फार्लेले घोषणा गरेका छन् कि अटोमेकरले सन् २०२३ को अन्त्सम्ममा प्रति वर्ष ६ लाख विद्युतीय सवारीहरू उत्पादन गर्ने योजना बनाएको छ, जुन यसले सुरुमा निर्माण गर्न चाहेको ईभीहरूको संख्या भन्दा दोब्बर हुनेछ।
अटोमोटिभ न्यूजका अनुसार, इलेक्ट्रिक भेहिकल उत्पादन मस्टाङ माच-ई, एफ-१५० लाइटनिङ र ई-ट्रान्जिटमा फैलिनेछ। “फोर्डको हालको ईभी लाइनअप निकै लोकप्रिय छ,” फार्लेले भने, “र कम्पनीले सोचेभन्दा माग “धेरै बढी” छ।”
मस्टाङ माच-ई तीन महादेशमा बिक्री भइरहेको छ, जबकि फोर्ड एफ-१५० लाइटनिंग यो घोषणा भएको समयदेखि नै लोकप्रिय छ। फोर्डले अनावरण भएको तीन हप्ता भित्रमा १ लाख रिजर्भेसनहरू प्राप्त गर्यो, र त्यो संख्या अब १ लाख ६० हजारसम्म पुगेको छ । यसको प्रि-बुकको लागि १०० डलर फिर्ता योग्य निक्षेपको साथ राखिएको छ।
एफ-१५० को उच्च मागको कारण, फोर्डले पहिले यसको उत्पादन बढाउन २५ करोड डलर लगानी गर्ने निर्णय गरेको छ । जसले ४५० नयाँ रोजगारीहरू सिर्जना गर्दै यसलाई एक वर्षमा ८० हजार ट्रकहरू बनाउन मद्दत गर्नेछ। कम्पनीले आफ्नो उत्पादन लक्ष्यलाई दोब्बर बनाउने भएकोले त्यो लक्ष्य अब कति परिवर्तन हुन्छ भन्ने स्पष्ट छैन।
अमेरिकामा सबैभन्दा ठूलो ईभी उत्पादक बन्ने आफ्नो अन्तिम लक्ष्य हासिल गर्नु अघि, फोर्डले टेस्लालाई दोस्रोमा र त्यसपछि आफु पहिलो हुने लक्ष्य राखेको छ।
अर्कोतर्फ लामो समयदेखि फोर्डको प्रतिद्वन्द्वी जीएमले २०२५ सम्ममा १० लाख विद्युतीय सवारीसाधन बेच्ने अपेक्षा गरेको छ र हालका प्लान्टहरूलाई रूपान्तरण गरेर आगामी वर्षहरूमा अमेरिकामा नयाँहरू खोलेर उत्पादनलाई बढाउँदैछ।