Advertisement
१७ कातिक, काठमाडौं । मंगलबार नेप्से सूचक २३.७६ अंकले सुधार हुँदा साहस उर्जाका शेयरधनीहरुले आज पनि सर्वाधिक कमाएका छन् । कम्पनीको शेयर मूल्यमा सकारात्मक सर्किट लाग्ने क्रममा ४९ रुपैयाँले बढेर ५३९ रुपैयाँ कायम भएको छ । कम्पनीको शेयर मूल्य लगातार तीन दिनदेखि सर्किट लागिरहेको छ ।
त्यस्तै सर्वाधिक धेरै मूल्य बढ्नेमा गुडविल फाइनान्स रहेको छ । फाइनान्सको शेयर मूल्य ९.१६ प्रतिशतले सुधार हुँदा ८४४ रुपैयाँ कायम भएको छ । सर्वाधिक धेरै कमाउने तेस्रो नम्बरमा नेपाल पुनर्बीमा कम्पनी रहेको छ । नेपाल पुनर्बीमा कम्पनीको ८.६८ प्रतिशतले सुधार भएर १५०३ रुपैयाँ कायम भएको छ ।
त्यस्तै कालिका पावरको ८.२८ प्रतिशत, रिडी हाइड्रोपावर ८.२५ प्रतिशत, कर्णाली डेभलपमेन्ट ७.५७ प्रतिशत, माउन्टेन हाइड्रो ७.५३ प्रतिशत, लुम्बिनी विकास ७.२४ प्रतिशत, ज्योति विकास ६.४५ प्रतिशत, तेह्रथुम पावरको ६.०५ प्रतिशलते बढेको छ ।
Comments
