Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

गम्भीर दुव्र्यवहार उपर कार्वाही प्रक्रियालाई समर्थन : अराजकता नियन्त्रण सम्बन्धित संस्थाको जिम्मेवारी, राज्यको कठोर कर्तव्य : नेपाली कांग्रेस

0 106

०६ कात्तिक, काठमाडौं । नेपाली कांग्रेसले खानेपानी तथा ढल व्यवस्थापन आयोजना कार्यालय जनकपुरका प्रमुख राजेश कुशवाहा माथि गम्भीर दुव्र्यवहार गर्ने उपर कार्वाही प्रक्रियालाई समर्थन जनाएको छ । अराजकता नियन्त्रण सम्बन्धित संस्थाको जिम्मेवारी, राज्यको कठोर कर्तव्य रहेको नेपाली कांग्रेसले विज्ञप्तिमार्फत जानकारी दिएको छ ।

खानेपानी तथा ढल व्यवस्थापन आयोजना कार्यालय जनकपुरका प्रमुख राजेश कुशवाहा माथि गम्भीर दुव्र्यवहार गर्ने दोषीलाई कानुनी कार्वाही गर्न सरकारले अघि बढाएको प्रक्रियालाई नेपाली कांग्रेस स्वागत गर्दछ । राजनीतिमा, प्रशासनमा र समग्र समाजमा रहेका बेथिति विरुद्ध प्रश्न उठाउनु र स्वच्छ समाजको खोजि गर्नु हामी सबैको कर्तव्य हो । तर कानुन हातमा लिने, बलजफ्ती र हुल हुज्जत गर्ने कार्य सभ्य समाजको परिचायक हुन सक्दैन । यस्तो घटना आपत्तिजनक र निन्दनीयसँगै कडा कार्वाहीको बिषय बन्ने नेपाली कांग्रेसका प्रवक्ता एवं सूचना, संचार तथा प्रचार विभागका प्रमुख विश्वप्रकाश शर्माले बताउनुभयो ।

जनकपुरको घटनाबाट नेपाली इन्जिनियरहरु, कर्मचारीहरु र सभ्य समाजमा विश्वास गर्ने सबैलाई मर्माहत बनाएको छ । सहकर्मी उपर गम्भीर दुव्र्यवहार हुँदा इन्जिनियरहरु आक्रोशित र आन्दोलित हुनु स्वभाविक छ ।

शुरु कानुनी कार्वाहीसँगै राज्यको सक्रियताले यसलाई सम्बोधन गर्ने विश्वास हामीले लिएका छौं । शान्तिपूर्ण राजनीतिमा सहभागी हुने उद्घोष गरेका हरेक दल र संस्थाले आफ्ना समर्थक र सदस्यलाई तदनुकुलको संस्कार र व्यवहारमा रुपान्तरण गर्नु सम्बन्धित दल नेतृत्वको कर्तव्य हुने स्मरण पनि हामी गराउँदछौं ।

हुलहुज्जतको बाटो समुन्नत समाजमा पुग्न सकिन्न । हरेक दल, नेतृत्व, सदस्य, समर्थक र हरेक नागरिकले यसलाई गहिरो आत्मसात गर्नुपर्ने आवश्यकता औंल्याउँदै नेपाली कांग्रेस थप सजगता र कडाइका लागि सरकारलाई अपील गर्दछ ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.