Advertisement
१९ असाेज, काठमाडौं । भक्तपुरमा मोटरसाइकल दुर्घटना हुँदा एक जनाको मृत्यु भएको छ । एक जना घाइते भएका छन् । मध्यपुर थिमि नगरपालिका-३ कौशलटारमा सोमबार राति ना३२प ६६७३ नम्बरको मोटरसाइकल दुर्घटना हुँदा चालक पर्साको हरिनाथगंजका ३० वर्षीय लोकनाथ ठाकुरको मृत्यु भएको हो । उनको इन्टरनेशनल अस्पतालमा उपचारका क्रममा मृत्यु भएको प्रहरीले जनाएको छ ।
मोटरसाइकलको पछाडि बसेका वीरगञ्जका सियाराम सिंह गम्भीर घायते भएका छन् । उनी नेपाल प्रहरीमा कार्यरत छन् । उनको नेपाल प्रहरी अस्पतालमा उपचार भइरहेको छ । दुर्घटना राति ११ बजे भएको हो । अनियन्त्रित भई मोटरसाइकल रेलिङमा ठोक्किएको थियो ।
Comments
