कालापानी, लिपुलेक क्षेत्रमा जनगणनाका लागि कूटनीतिक पहल गर्न सरकारसँग आग्रह

0 228

१८ असाेज, काठमाडाैँ । राष्ट्रिय जनगणनाको अन्तिम दिनसम्मपनि मुलुकको नयाँ ‘चुच्चे नक्सा’ मा परेका महाकाली पारीको कालापानी, लिपुलेक क्षेत्रमा घर तथा घरपरिवार सूचीकरण हुन नसकेको भन्दै सत्तारुढ नेपाली कांग्रेसको भ्रातृ संगठन नेपाल विद्यार्थी संघले गम्भीर ध्यानाकर्षण भएको जनाएको छ।

पहिलो चरणको सूचीकरणका लागि उक्त क्षेत्रमा जान नेपालबाटै बाटो नभएको र भारतको बाटो भएर जानका लागि सरकारले नअह्राएको भन्दै जिल्ला तथ्यांक कार्यालयले सुपरीवेक्षक नै नपठाएको भन्दै नेवि संघका महामन्त्री बलदेव तिमल्सिनाले एक विज्ञप्तिमार्फत विरोध जनाएका छन्।

महाकालीपारी दार्चुलाको व्यास गाउँपालिका–१ को छाङरुक,तिंकर र त्योसँगै जोडिएरको कालापानी, लिपुलेक क्षेत्रमा २०१८ सालपछि जनगणना हुन सकेको छैन भने अहिले पनि घरपरिवार सूचीकरण हुन नसक्नु दु:खद् विषय भएको उनले उल्लेख गरेका छन्।

चुच्चे नक्सामा परेको क्षेत्रमा नेपाली भूमि भएरै जान सुपरिवेक्षकका लागि बाटो नभएको, भारत भएर जान सुरक्षाको चुनौती र नेपाली भूमिमा नेपालबाटै पुग्ने बाटो नभएसम्म गणनाको लगत संकलन गर्न कठिन देखिएको हुँदा त्यसका लागि सरकार र परराष्ट्र मन्त्रालयमार्फत कूटनीतिक पहल गर्नुपर्ने उनले उल्लेख गरेका छन्।



मल्टिमिडिया ग्यालरी


© Nepali horoscope

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.