Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

बाँकी १३ जिल्लाको कांग्रेस वडा अधिवेशन दसैँपछि !

0 117

१५ असाेज, काठमाडौं । नेपाली कांग्रेसको १४औँ महाधिवेशन अन्तर्गत १३ जिल्लाको वडा अधिवेशनका सम्बन्धमा अन्योल भइरहेको छ । केन्द्रीय निर्वाचन समितिसँग नै बाँकी जिल्लाहरूको अधिवेशन कहिले हुन्छ भन्ने स्पष्ट जवाफ छैन ।

समितिका एक सदस्य शनिबार (भोलि) सम्म बाँकी रहेका ४ जिल्लाको क्रियाशील सूची सार्वजनिक भएमात्र दसैँअघि वडा तह अधिवेशन गर्न सकिने बताउँछन् । सार्वजनिक भएन भने दसैँअघि वडा अधिवशेन सम्भव नभएको उनले बताए । जुन कुरा बिहीबार बसेको समिति बैठकमा पनि उठेको थियो । दसैँअघि बाँकी जिल्लाहरूमा अधिवेशन गर्ने नगर्ने सम्बन्धमा समितिको आइतबार बैठक बस्दैछ ।

“बाँकी रहेका जिल्लाहरूको सम्बन्धमा हिजोको बैठमा ठोस निर्णय हामीले गर्न सकेनौँ, भोलि बैठक बसेर के गर्ने भन्ने छलफल होला,” ती सदस्यले बाह्रखरीसँग भने ।

कांग्रेसले प्रदेश २ का ८ वटै जिल्लाहरूमा वडा तहकै अधिवेशन गर्न सकेको छैन । १३ जिल्लामध्ये निर्वाचन समितिले पनि ८ जिल्लामा निर्वाचन अधिकृत तोक्न बाँकी छ । १२ जिल्लाको एकैचोटी अधिकृत तोकेर अधिवेशन गर्ने तयारीमा समिति रहेको त्यी सदस्यले बताए । आफूहरूले समयमै क्रियाशील सदस्यताको अन्तिम सूची नपाउँदा अधिवेशनको गराउन सफल नभएको उनको भनाइ छ । “अधिवेशन गर्न त पहिला सूची दिनुपर्‍यो नि अनि पो निर्वाचन समितिले काम गर्न सक्छ,” उनले भने ।

क्रियाशिल विवाद समाधान समितिको सहमति कार्यान्वयन गर्न बनेको कार्यदलका एक सदस्य पनि दसैँअघि अधिवेशन हुने सम्भावना ज्यादै न्यून रहेको बताउँछन् । विवाद सामान्य लाग्ने भएपनि त्यसभित्र जटिलता रहेको उनको भनाइ छ ।

“कृष्ण दाइको समितिले निर्णय गरेर के गर्नु कार्यान्वयनमा समस्या छ अनि समय त लाग्छ नै,” ती सदस्यले भने ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.