Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

म्याद गुजारेका विदेशीको भिसा थप्‍ने निर्णय, चिनियाँ पर्यटकलाई राहत

0 87

१५ असाेज, काठमाडाैँ । पर्यटक प्रवेशाज्ञा (भिसा) को म्याद गुजारेका विदेशीहरु पुस १६ गतेसम्म नेपाल बस्न पाउने भएका छन्। सन् २०२१ मा पर्यटक भिसामा नेपाल आएका अधिकांश विदेशी नागरिक ‘ओभर स्टे’ छन् ।

गृह मन्त्रालयले कोरोना भाइरस संक्रमणको जोखिमका कारण आफ्नो मुलुक फर्कन नसकेका विदेशीहरुका लागि नेपाल बस्न पाउने अवधि लम्ब्याएको हो । गैर कानुनीरुपमा नेपाल बस्ने सबैभन्दा बढी चिनियाँ नागरिकहरु छन् ।

गृहको यो निर्णयले विभिन्न वहानामा नेपाल बस्न खोज्ने चिनियाँ पर्यटकलाई राहत मिलेको छ। पर्यटक भिसामा नेपाल बस्ने कतिपय चिनियाँ नागरिकहरु आपराधिक क्रियाकलापमा संलग्न छन् ।

प्रहरीले दुई वर्षअघि पर्यटक भिसा लिइ अवैध गतिविधिमा संलग्न भएका झण्डै १ सय २२ जना चिनियाँलाई पक्राउ गरेको थियो । विगत केही सातादेखि चिनियाँ नागरिक कोरोना भाइरसको जोखिका कारण आफ्नो मुलुक फर्कन नसक्ने भन्दै भिसाको म्याद थप गरिदिन अध्यागमन विभागलाई आग्रह गर्दै आएका थिए ।

असोज १३ को गृहमन्त्री स्तरीय निर्णयले हवाइ टिकट नपाएर आफ्नो मुलुक फर्कन नसकेका विदेशी पर्यटकका लागि नेपाल बस्न पाउने अवधि थप गरेको हो । अमेरिका बाहेक मुलुकका नागरिकहरु पर्यटक भिसामा १ सय ५० दिन नेपाल बस्न पाउँछन्। भिसा पारस्पारिकता कायम भएपछि अमेरिकी नागरिकहरु भने नेपालमा १ सय ८० दिन बस्न पाउँछन् ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.