Advertisement
२१ भदाै, काठमाडाैँ । एनआईसी एशिया बैंक लिमिटेडको स्वामित्वमा रहेको तीन वटा कम्पनीको संस्थापक शेयर आजदेखि लिलामीमा विक्री खुला गर्ने भएको छ । कम्पनीको स्वामित्वमा रहेको नागरिक लगानी कोष, आरएमडीसी लघुवित्त वित्तीय संस्था र मेरो माइक्रोफाइनान्स लघुवित्त वित्तीय संस्थाको संस्थापक शेयर लिलामीमा विक्री खुला भएको हो ।
बैंकले नागरिक लगानी कोषको ३ लाख ८१ हजार ९०२ कित्ता, आरएमडीसी लघुवित्तको ३ लाख ५ हजार ६५ कित्ता र मेरो माइक्रोफाइनान्सको ८४ हजार ८२९ कित्ता शेयर विक्री गर्न लागेको हो । उक्त संस्थापक शेयर भदौ ३१ गतेसम्म गोप्य शिलबन्दी बोलपत्र पेश गर्न सकिनेछ ।
नागरिक लगानी कोषको न्यूनतम मूल्य १ हजार २९४, आरएमडीसी लघुवित्तको प्रतिकित्ता ५४१ र मेरो माइक्रोफाइनान्सको प्रतिकित्ता ५२९ तोकिएको छ । आवेदकले तोकिएको मूल्य वा सोभन्दा बढी मूल्य अंकित गरी बोलकबोल गर्नुपर्ने हुन्छ ।
आरएमडीसी लघुवित्तको शेयर खरीदका लागि बोलकबोल गर्दा न्यूनतम १ हजार कित्ता तथा नागरिक लगानी कोष र मेरो माइक्रोफाइनान्सको १०० कित्तादेखि अधिकतम सम्पूर्ण कित्तासम्म माग गर्न सकिने व्यवस्था छ ।
कम्पनीले यसअघि भदौ ४ गतेदेखि भदौ १८ गतेसम्म लिलामीमा विक्री खुला गर्दा विक्री हुन नसकेको उक्त शेयर पुनः लिलामीमा विक्री खुला गरेको हो । कम्पनीको शेयर विक्री प्रबन्धकमा एनआईसी एशिया क्यापिटल लिमिटेड रहेको छ ।
Comments
