Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

उपचाररत अभिनेत्री निशा घिमिरेको निधन

0 180

१७ भदाै, काठमाडौं । नर्भिक हस्पिटलमा उपचाररत अभिनेत्री निशा घिमिरेको निधन भएको छ । उनको हस्पिटलमै उपचारको क्रममा निधन भएको अस्पताल श्रोतबाट जानकारी प्राप्त भएको छ । तीन वर्षअघि भारतको देहरादूनमा सवारी दुर्घटनामा परेर गम्भीर घाइते भएकी अभिनेत्री निशा घिमिरेको गत जेठदेखि नर्भिक अस्पतालमा उपचार भइरहेको थियो । तर, उनको स्वास्थ्य अवस्था अझै सुधार नभएको मंगलबार अस्पतालले जनाएको थियो ।

‘निशा घिमिरे संरक्षण कोष’ ले दाहसंस्कार गर्नु अगाडी उनको पार्थिव शरीरलाई पशुपति आर्यघाट परिसरका राखेको थियो । निशाको शवलाई केही कलाकार र परिवारले श्रद्धाञ्जली अर्पण गरेका थिए ।

अभिनेत्री बन्ने रहरले डिप्लोमा अध्ययनका लागि भारत पुगेकी कलाकार घिमिरेको सडक दुर्घटना भएको थियो । दुर्घटनामा परेपछि उनको ब्रेन ह्यामरेज भएको हो । दुर्घटनामा परेपछि उनको लामो समय भारतमै उपचार भयो । तर, अस्पतालको खर्च धान्न नसकेपछि परिवारले उनलाई नेपाल ल्याएको थियो ।

उनको उपचारमा ५० लाख खर्च भैसकेको समेत अस्पतालले जनाएको छ भने उनको उपचारका लागि भनेर देशबिदेशबाट आर्थिक सहयोगहरु जुटेको छ । तर, उनको निधनले सबैलाई मर्माहत बनाएको छ । उनको अन्त्यष्टि पशुपति आर्यघाटमा गरियाे ।

नर्भिककी प्रबन्ध निर्देशक मेघा चौधरीले निशाको नाजुक अवस्था देखेपछि जेठ २७ गते उद्धार गरेर नर्भिक अस्पतालमा निःशुल्क उपचार सुरु गराएकी थिइन् । दुर्घटनापछि उनको लामो समय भारतमै उपचार भएको थियो । तर, अस्पतालको महंगो खर्च धान्न नसक्ने भएपछि उनको परिवारले उनलाई एम्बुलेन्समार्फत् नेपाल ल्याए । उनले मैथिली र नेपाली भाषामा बनेको फिल्म ‘मधेशीपुत्र २’ सँगै केही म्यूजिक भिडियो र टेलिसिरियलमा अभिनय गरेकी छन् ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.