Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

सब स्टेशनमा क्षति पुगेपछि परासीमा विद्युत आपूर्ति बन्द

0 163

१२ भदाै, बुटवल । वर्षा र डुवानले विद्युत सबस्टेशनमा क्षति पुर्‍याउँदा पश्चिम नवलपरासीको सदरमुकाम परासीमा विद्युत आपूर्ति बन्द भएको छ ।

नेपाल विद्युत प्राधिकरण परासी वितरण केन्द्रका प्रमुख चुटुनकुमार श्रीवास्तवका अनुसार वर्षा र डुवानका कारण परासी सब स्टेशनको ब्रेकर लगायतका अन्य प्राविधिक उपकरणमा पानी जमेको छ । त्यसैले तत्कालै सब स्टेशनबाट विद्युत आपूर्ति गर्ने अवस्था छैन ।

यद्यपी विद्युत आपूर्तिका लागि अहिले गण्डक पावर हाउस शब स्टेशन, बर्दघाट शब स्टेशन र सुनवल बजार क्षेत्रको विद्युतबाट परासी वितरण केन्द्र अन्तर्गतका केही ग्राहकलाई विद्युत आपूर्ति गरिएको प्रमुख श्रीवास्तवले बताए ।

वर्षा र डुवानका कारण परासीस्थित सब स्टेशनको कम्पाउण्ड वालमा क्षति पुग्दा पानी स्टेशनभित्र पसेर विद्युत आपूर्तिमा महत्वपूर्ण भूमिका निर्वाह गर्ने ब्रेकरसहित अन्य प्राविधिक उपकरणमा क्षति पुगेको प्राधिकरणले जनाएको छ ।

परासी वितरण केन्द्रका प्रमुख श्रीवास्तवका अनुसार परासी सब स्टेशनबाटै विद्युत आपूर्ति गर्न केही दिन समय लाग्न सक्छ । यद्यपि परासी सब स्टेशन सञ्चालनका जनशक्ति व्यवस्थापन गरी मर्मतको काम शुरु गरेको उनले बताए ।

परासी वितरण केन्द्र अन्तर्गत हाल करिव ४४ हजार ग्राहक रहेका छन् । जसमध्ये अहिले तत्कालका लागि ३५ हजार ग्राहकलाई गण्डक पावर हाउस सब स्टेशन, बर्दघाट सब स्टेशन र सुनवल बजार क्षेत्रको विद्युत आपूर्तिबाट परासी वितरण केन्द्र अन्तर्गतका ग्राहकलाई विद्युत आपूर्ति गरिएको हो ।

तर धेरै क्षमतामा विद्युत खपत गर्ने उद्योग सञ्चालनमा कठिन हुने प्राधिकरणले जनाएको छ । परासी वितरण केन्द्र अन्तर्गत सूर्यपुरा, सुनवल, महेशपुर र बन्जरियास्थित कार्यालय पर्दछन् ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.