Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

सञ्चयकर्ताको रकम मनपरी गरेपछि कर्मचारी सञ्चय कोषका प्रमुख प्रशासक तुलसीप्रसाद गौतम बर्खास्त

0 239

०६ भाद्र, काठमाडौं । सञ्चयकर्ताले जम्मा गरेको रकम मनोमानी गरेको भेटिएपछि कर्मचारी सञ्चय कोषका प्रमुख प्रशासक तुलसीप्रसाद गौतमलाई बर्खास्त गरिएको छ । बिहीबार बसेको मन्त्रिपरिषद्को बैठकले गौतमलाई प्रमुख प्रशासक पदबाट बर्खास्त गरेको हो ।

तत्कालिन प्रधानमन्त्री केपी शर्मा ओली र अर्थमन्त्री डा. युवराज खतिवडाले गौतमलाई २०७६ साल जेठमा कोषको प्रमुख प्रशासकमा नियुक्त गरेका थिए । गौतम कोषको तर्फबाट हिमालयन बैंकको संचालक समितिको अध्यक्ष पनि हुन् ।

कोषको प्रमुख प्रशासक रहँदा संचयकर्ताको रकममा मनोमानी गरेको भेटिएपछि अर्थमन्त्री जर्नादन शर्माले उनलाई यसबारे सोधपुछका लागि मन्त्रालयमै बोलाएका थिए । चित्तबुझ्दो जवाफ नपाएपछि अर्थमन्त्री शर्माले गौतमलाई पदबाट राजीनामा दिन भनेका थिए।

तर, पदबाट राजीनामा दिन नमानेपछि बिहीबार क्याबिनेटको बैठकले उनलाई पदबाट हटाएको हो । गौतमकै अगुवाईमा आर्थिक वर्षको अन्तमा कर्मचारी सञ्चय कोषका पदाधिकारीले विभिन्न स्थानमा मन्दिर बनाउनदेखि आफ्नै कर्मचारीलाई प्रोत्साहन भत्ता भन्दै लाखौँ रकम बाँडिएको पाइएको थियो ।

संचयकर्ताको बचत रकमबाट भोजपुरमा मन्दिर बनाउन १ लाख ५० हजार रुपैयाँ आर्थिक सहायता गरिएको भेटिएको थियो । भक्तपुरमा वृक्षारोपण गर्नका लाथि पनि कर्मचारीको बचत रकमबाट २ लाख रुपैयाँ आर्थिक सहायता गरिएको भेटिएको छ ।

यसैगरी मध्यपुर ठिमीमा रहेको मनोरम नगर समाजका लागि २ लाख रुपैयाँ आर्थिक सहयोग गर्ने प्रशासक तुलसीप्रसाद गौतमले निर्णय गरी कार्यार्थ पठाएका भेटिएको छ ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.