Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

किसानलाई कृषि औजार

0 236

०२ भदाै, खलङ्गा । कृषि विकास कार्यालय जुम्लाले किसानहरुलाई रु ३३ लाखको कृषि औजार सामग्री वितरण गरेको छ । कृषि खेतीमा किसानलाई सहज बनाउन औजार वितरण गरिएको कृषि विकास कार्यालय जुम्लाका कार्यालय प्रमुख बालकराम देवकोटाले बताउनुभयो ।

परम्परागत औजारले समय धेरै लाग्ने र उत्पादन कम हुने भएकाले बजारमा भित्रिएका नयाँ र आधुनिक औजार वितरण गरिएको हो । कृषि कर्मलाई सजिलो गर्ने उद्देश्यले कृषि औजारहरु वितरण गरिएको कार्यालय प्रमुख देवकोटाले बताउनुभयो । सो कार्यालयबाट ३२ थ्रेसर मेशिन, २२ हाते ट्र्याक्टर, ७८ सेट कटिङ मेशिन, दुई पावर ट्रिलर र दुई लिप्ट पम्पसेटसहितका आजार वितरण गरिएको कृषि कार्यालयले जनाएको छ ।

किसानहरुलाई आवश्यक पर्ने कृषि औजारहरु वितरण गरिएको सो कार्यालयका वरिष्ठ कृषि अधिकृत खेमराज शाहीले बताउनुभयो । खनजोतका लागि सजिलो गराउन किसानहरुलाई हाते ट्र्याक्टर उपलब्ध गराइएको छ । जुम्लामा उत्पादन हुने स्याउ बिक्री गरेर बचेमा चाना बनाउने उपकरण पनि किसानहरुलाई हस्तान्तरण गरिएको छ । कृषि क्षेत्रको विकास र सिँचाइको सुविधा उपलब्ध गराउन चालु आर्थिक वर्षमा ४१ वटा सिँचाइ आयोजना कार्यालयबाट निर्माण हुने कार्यालयले जनाएको छ ।

पठनपाठन गराउन शिक्षकको घरदैलो

यहाँको तिला गाउँपालिका–८ मा रहेको देउराली मावि जुम्लाकोटले कोरोना कहरका बीचमा वैकल्पिक विधिबाट पठनपाठन गर्न घरदैलो गरेको छ । गाउँमा शिक्षकहरु खटिएर अभिभावकलाई रेडियो, अनलाइन, टेलिभिजनबाट हुने शिक्षण सिकाइ क्रियाकलापमा संलग्न गराउन आग्रह गरिएको छ । “अहिले विद्यार्थीको भौतिक उपस्थिति गराएर पठनपाठन गर्ने अवस्था छैन”, प्रधानाध्यापक रामभजन यादवले भन्नुभयो, “यो अवस्थामा वैकल्पिक शिक्षण विधिको प्रयोग गर्नुको विकल्प छैन । त्यसैले रेडियो, टेलिभिजन र अनलाइनको पहुँचमा रहेका विद्यार्थीले समय मिलाएर पठनपाठन गराउन अभिभावकलाई सुझाव दिएका छौँ ।

दूरशिक्षा, श्रव्यदृश्य सामग्री प्रसारण हुने समय तालिका अभिभावक र विद्यार्थीलाई दिइएको छ । रेडियोको पहुँचसँग जोडिएका विद्यार्थीले रेडियो सुन्नुपर्ने तथा टिभीको पहुँचमा रहेका विद्यार्थीले टिभी हेर्नुपर्ने र अनलाइनको पहुँच हुनेले अनलाइनबाट शिक्षण सिकाइ क्रियाकलापमा सहभागी हुनुपर्ने प्रधानाध्यपक यादवले बताउनुभयो ।

घरदैलोमा पुग्दा अभिभावकले शिक्षकले दिएका सुझाव कार्यान्वयन गर्ने वचन दिएका छन् । विद्यालयको कार्यक्षेत्रभित्र पर्ने पुरु गाउँ र जुम्लाकोटको तल, माथिबाडामा शिक्षकले घरदैलो गरेका छन । शिक्षक घरदैलोमा पुगेर विद्यार्थीको भविष्यमाथि चिन्ता व्यक्त गर्न थालेपछि अभिभावक पनि विद्यार्थीलाई वैकल्पिक विधिबाट पठनपाठन गराउन तयार भएका छन् ।

कोभिड–१९ का कारण स्वास्थ्यको दृष्टिकोणले प्रतिकूल स्थिति सिर्जना भएको छ । विद्यार्थीको भौतिक उपस्थितिमा कक्षा शिक्षण क्रियाकलाप सञ्चालन गर्न सक्ने अवस्था छैन । पटकपटक वैकल्पिक विधिबाट गरिएको शिक्षण सिकाइ क्रियाकलापको शिक्षकले अनुगमनसमेत गर्ने विद्यालय जनाएको छ ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.