कोइराला, निधि र सिंहबीचको भेट सम्पन्न, संवैधानिक बाध्यता ख्याल गरि महाधिवेशन सम्पन्न गर्ने निष्कर्ष

0 745

१६ साउन, काठमाडौँ । नेपाली कांग्रेसका नेताहरु प्रकाशमान सिंह, शशांक कोइराला र विमलेन्द्र निधिले पार्टीको महाधिवेशन तोकिएकै मितिमा सम्पन्न गर्नुपर्ने माग गरेका छन् ।

शनिबार चाक्सीबारीस्थित सिंह निवासमा तीन शीर्ष नेताहरुले बैठकपछि यस्तो निष्कर्ष निकालेका हुन् । महाधिवेशनको तयारीबारे छलफल चलिरहँदा तीन नेतापुत्र आन्तरिक छलफलमा जुटेका हुन् ।

तीनैजना कांग्रेसका नेतापुत्र यसअघि पनि पटक पटक भेटघाट र छलफल गरेका थिए । बीपी पुत्र शशांकले यसअघि महाधिवेशनका लागि नेतापुत्रहरुबीच अनौपचारिक सहमति भएको बताएका थिए ।

प्रकाशमान गणेशमान सिंहका पुत्र हुन् भने विमलेन्द्र महेन्द्रनारायण निधिका छोरा हुन् । प्रकाशमानका स्वकीय सचिव यूपी लामिछानेका अनुसार शनिबार तीन नेताहरुले भदौमै महाधिवेशन गर्नका लागि पार्टीमा दबाब दिने निष्कर्ष निकालेका थिए ।

महाधिवेशन भदौभन्दा पछि धकेलिएको खण्डमा संविधान र कांग्रेसकै अस्तित्व खतरामा पर्ने समेत तीन नेताहरुले निष्कर्ष निकालेका छन् । ‘महाधिवेशन भदौपछि जाँदा संवैधानिक संकट आएर कांग्रेसकै अस्तित्वमाथि प्रश्न उठ्न सक्छ’ नेताहरुलाई उद्धृत गर्दै लामिछानेले भने ।

कांग्रेसको १४ औं महाधिवेशनमा सिंह, कोइराला र निधिमध्ये एक जना सभापतिमा उम्मेदवारी दिने शशांक कोइरालाले बताएका छन् । महाधिवेशनलाई नै लिएर सिंह, कोइराला र निधि यसअघि कम्तिमा तीन पटक भेटघाट तथा छलफल गरिसकेका छन् ।

RSS Error: A feed could not be found at `https://digitalkhabar.com/?#`; the status code is `200` and content-type is `text/html`



मल्टिमिडिया ग्यालरी


© Nepali horoscope

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.