Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

कोरोना अपडेट: ३ हजार १०६ जना संक्रमित थपिए, २३ जनाको मृत्यु

0 103

१६ साउन, काठमाडौँ । नेपालमा पछिल्लो २४ घण्टाको अवधिमा थप ३ हजार १ सय ६ जनामा कोरोना संक्रमण पुष्टि भएको छ ।

१३ हजार ५ सय १९ वटा स्वाब नमुनाको परीक्षण गरिएकोमा ३ हजार १ सय ६ जनाको पोजिटिभ रिपोर्ट आएको हो । ९ हजार २ सय ६३ नमुनाको पीसीआर परीक्षण गर्दा २ हजार २ सय ८० र ४ हजार २ सय ५६ नमुनाको एन्टिजेन विधिबाट परीक्षण गर्दा ८ सय २६ जनामा संक्रमण देखियो ।

यस्तै पछिल्लो २४ घण्टामा २३ जनाको मृत्यु भएको स्वास्थ्य तथा जनसंख्या मन्त्रालयले जनाएको छ । यससँगै देशभर कोरोनाबाट मृत्यु हुनेको संख्या ९ हजार ८ सय ५७ पुगेको छ । साथै १ हजार ९ सय १६ जना निको भएका छन् ।

स्वास्थ्य मन्त्रालयको रिपोर्ट अनुसार कुल ६ लाख ५४ हजार १ सय ७७ जना कोरोनामुक्त भइसकेका छन् । देशभर सक्रिय संक्रमितको संख्या भने ३१ हजार ३ सय ५५ देखिएको स्वास्थ्य तथा जनसंख्या मन्त्रालयले जनाएकए छ ।

पछिल्लो समय कोरोना संक्रमण फेरि तिब्र रुपमा फैलिन थालेको बताइएको छ । तेस्रो लहर छिट्टै आउनसक्ने भन्दै सावधानी अपनाउन अधिकारीहरुले सबैलाई आग्रह गरेका छन् ।



मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.