Advertisement
०६ श्रावण, एजेन्सी । प्रोटीन अणुहरूको एक जटिल समूह हो जुन शरीरमा सबै आवश्यक कार्य गर्दछ। यसले कपाल, नङ, हड्डी र मांसपेशी बनाउँछ। प्रोटीनले तन्तु र शरीरका अन्य अङ्गलाई आकार दिन्छ र तिनीहरूलाई काम गर्न मद्दत गर्दछ।
किन प्रोटिन शरीरको लागि महत्वपूर्ण छ र यसले कसरी शरीरलाई फाइदा पुर्याउँछ ? भन्ने विषयमा यहाँ चर्चा गरिएको छ :
तत्काल उर्जा दिन्छ
व्यापक रूपमा शरीरले कार्बोहाइड्रेट र फ्याटबाट उर्जा प्राप्त गर्दछ, तर यदि तपाईं वजन घटाउन कम क्यालोरी लिइरहनुभएको छ, वा तपाईं एक खेलाडी हुनुहुन्छ भने, तब प्रोटीनले तपाईंलाई उर्जा दिन काम गर्दछ।
मांसपेशीको निर्माण गर्दछ
मांसपेशीको निर्माण र यसको आकार बनाउन प्रोटीन आवश्यक छ। प्रोटीनले तौल घटाउदा मांसपेशीहरूलाई कमजोरीबाट बचाउँछ । यदि तपाईं ताकतको लागि वजन उठाउनुहुन्छ भने यसमो प्रोटिनको भूमिका महत्त्वपूर्णै हुन्छ किनभने यसले मांसपेशी मजबुबत बनाउने काम गर्दछ ।
हड्डीलाई बलियो बनाउँछ
अध्ययनका अनुसार प्रोटिनको सही मात्राले हड्डीको स्वास्थ्य सुधार गर्दछ। यसले अस्टियोपोरोसिसको सम्भावनालाई कम गर्दछ। यसले हड्डीहरूको घनत्व कायम गर्दछ र तिनीहरूलाई वृद्धावस्थामा कमजोर हुनबाट बचाउँछ।
प्रतिरक्षा प्रणालीको लागि आवश्यक
प्रोटीन एमिनो एसिड मिलेर बनेको छ। यी यौगिकहरू प्रतिरक्षा प्रणालीको लागि आवश्यक छन्। तिनीहरूले टि कोशिका, बी कोषहरू र प्रतिरक्षा प्रणालीमा एन्टिबडीहरू बनाउँछन् जसले शरीरमा संक्रमण हुने हानिकारक कोशिकालाई चिन्छ र हटाउँछ।
पटपटक खाइरहन मन लाग्ने बानी कम गर्छ
यदि तपाईलाई केही चिज बारम्बार खाने इच्छा हुन्छ भने यो शरीरलाई चाहिने भोक भन्दा फरक छ। यो चाहना तपाईको दिमागबाट आएको हो, पेटबाट होइन । अनुसन्धानका अनुसार अधिक प्रोटीनले लगातार भोजनको लागि तृष्णा कम गर्दछ। यसले राती लाग्ने भोकबाट पनि बचाउँछ ।
डाईटमा प्रोटिनको उच्च मात्राले मेटाबोलिज्म बढाउँदछ। यसको अर्थ तपार्य एक दिनमा धेरै बर्न गर्न सक्नुहुन्छ । यहाँ सम्म यदि तपाई आराम गर्नुहुन्छ भने पनि यस्तो हुन जान्छ । साथै, खानामा प्रोटिन लिएर सजिलै फ्याट कम हुँदैन ।
मुटुलाई स्वस्थ राख्न मद्दत गर्दछ
अध्ययनका अनुसार प्रोटिन, विशेष गरी प्लान्ट प्रोटीनले उच्च रक्तचाप जस्ता समस्यालाई कम गर्न काम गर्दछ। यसले एलडिएल वा खराब कोलेस्ट्रोलको स्तर पनि कम गर्दछ, जसले मुटु रोगको सम्भावनालाई कम गर्दछ।
घाउहरू चाडै निको बनाउन
प्रोटीनले तन्तुहरू र शरीरका अङ्गहरु निर्माणमा महत्त्वपूर्ण कार्य गर्दछ । यसले शरीरलाई घाउहरू चाँडो निको पार्न मद्दत गर्दछ। प्रोटिनले सुन्निएको घटाउने देखि चोट भएको ठाउँमा नयाँ तन्तुहरू सिर्जना गरेर घाउलाई निको पार्छ ।
शरीरमा पोषकतत्वहरू स्थानान्तरण गर्दछ
यो प्रोटीनहरूमार्फत हुन्छ जुन भिटामिन, खनिज, सुगर, कोलेस्ट्रोल र अक्सिजन शरीरको तन्तु र कोषहरूमा पुग्दछ। केहि प्रोटीनहरुमा आइरजन जस्ता केहि पोषक तत्व हुन्छ। जब शरीरमा यसको आवश्यक हुन्छ तब यसले ब्याकअपको जस्तै काम गर्दछ ।
प्रोटीन डाईट
प्रोटीन धेरै फरक प्रकारहरूमा पाइन्छ। स्वस्थ र कम फ्याट प्रोटीन लिन कोसिस गर्नुहोस्। दिनभरि आहारको माध्यमबाट प्रोटीन लिनु फाइदाजनक हुन्छ। भिटामिन, खनिज र फाइबर प्रशस्त पाउन फलफूल र तरकारीहरू प्रशस्त मात्रामा खानुहोस्।
Comments
