माइक्रोसफ्ट एक्सचेन्ज सर्भरमा चीनले साइबर-हमला गरेको गम्भीर आरोप
Advertisement
०५ श्रावण, एजेन्सी । अमेरिका, बेलायतसहितका नाटो सदस्यहरु र इयुले चीनलाई यस बर्षको सुरुमा एउटा ठूलो साइबर-हमला गरेको आरोप लगाएका छन्।
यस हमलाले माइक्रोसफ्ट एक्सचेन्ज सर्भरलाई लक्षित गरेको थियो, विश्वमा कम्तिमा ३०,००० संगठनहरुलाई प्रभावित गरिरहेको थियो।
बेलायतले चिनियाँ राज्य-समर्थित आक्रमणकारीहरू जिम्मेवार रहेको बताएका छन जबकि ईयूले यो हमला “चीनको क्षेत्र” बाट आएको बताएको छ।
सो एलायन्समा उल्लेखित देशहरु बाहेक अस्ट्रेलिया, जापान, न्यूजिल्याण्ड र क्यानाडासमेतले सो साइबर जासूसीको विरोध गरेका छन्।
चिनियाँ राज्य सुरक्षा मन्त्रालय (एमएसएस) लाई व्यापक जासूस गतिविधि र “बेपरवाह” व्यवहारको बृहत्तर ढाँचाको आरोप लगाइएको थियो।
चीनले यसअघि ह्याकिङ्गको आरोपलाई खण्डन गरेको छ र त्यसले सबै प्रकारका साइबर अपराधको विरोध गर्ने बताएको छ।
पश्चिमी खुफिया अधिकारीहरूकाअनुसार यस घटनाका पक्षहरू पहिले देखेका कुनै पनि कुरा भन्दा बढी गम्भीर छन्।
ह्याकर्सले माइक्रोसफ्ट एक्सचेन्जमा रहेको जोखिमको दूरुपयोग गरे जसले प्रणालीमा ब्याकडोरहरू राख्न अनुमति दिएका थिए र जसले थप पहुँचका लागि अनुमति दिएका थिए।
बेलायतले उक्त हमलाले व्यक्तिगत जानकारी र बौद्धिक सम्पत्तिको अधिग्रहण सहितको ठूलो मात्रामा जासूसी गर्न सक्ने संभावना रहेको बताएको छ।
अमेरिकी स्टेट सेक्रेटरि एन्थोनी ब्लिंकेनले यसलाई ‘आफ्नो अर्थतन्त्र र राष्ट्रिय सुरक्षामा प्रमुख खतरा’ भएको बताएका छन् ।
चिनियाँ समूहले प्रयोग गरेका ब्याकडोरहरूलाई अन्य ह्याकिङ्ग समूहहरूले पनि दूरुपयोग गरेका थिए जसले प्रणालीलाई र्यान्समवेयर आक्रमण र जासूसीको शिकार बनाउँदछ।
उक्त साइबर आक्रमण अभियानले उड्डयन, रक्षा, शिक्षा, सरकार, स्वास्थ्य सेवा, बायोफार्मास्यूटिकल र समुद्री उद्योग लगायतका उद्योगहरूमा रहेको व्यापारिक गोप्यतालाई लक्षित गरेको अमेरिकी न्याय विभागले जनाएको छ।
पीडितहरू अस्ट्रिया, कम्बोडिया, क्यानडा, जर्मनी, इन्डोनेसिया, मलेसिया, नर्वे, साउदी अरेबिया, दक्षिण अफ्रिका, स्विजरल्याण्ड, बेलायत र अमेरिकामा रहेका थिए ।
मल्टिमिडिया ग्यालरी
Comments
