Advertisement
०३ साउन,एजेन्सी । भारतमा कोरोनाभाइरसका ४१ हजार १५७ जना सङ्क्रमित थपिएका छन् । गएको चौबीस घण्टामा १९ लाख ३६ हजार ७०९ नमूना परीक्षण गरिएकोमा ४१ हजार १५७ मा सङ्क्रमणको पुष्टि भएको हो ।
भारतीय सञ्चारमाध्यमहरुका अनुसार भारतमा हाल चार लाख २२ हजार ६६० सक्रिय सङ्क्रमित छन् । गएको चौबीस घण्टामा ५१८ जना सङ्क्रमितको मृत्यु भएको छ । हालसम्म कोरोना सङ्क्रमणबाट भारतमा चार लाख १३ हजार ६०९ जनाले ज्यान गुमाएका छन् ।
गएको चौबीस घण्टामा ४१ हजार चार जना निको भएका छन् । हालसम्म तीन करोड दुई लाख ६९ हजार ७९६ जना कोरोनामुक्त भएका छन्।
भारतमा हालसम्म ४४ करोड ३९ लाख ५८ हजार ६६३ नमूना परीक्षण गरिएको छ । भारतको केन्द्रीय स्वास्थ्य तथा परिवार कल्याण मन्त्रालयका अनुसार हालसम्म ४० करोड ४९ लाख ३१ हजार ७१५ डोज कोभिड १९ बिरुद्धको खोप लगाइएको छ ।
Comments
