Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

अनलाइन मार्फत गरिने मार्केटिङ्ग व्यवसायहरु नेपालभित्र अवैध

0 49

०१ श्रावण, काठमाडाै । वाणिज्य आपुर्ति तथा उपभोक्ता हित संरक्षण विभागले अनलाइन मार्फत गरिने मार्केटिङ्ग व्यवसायहरु नेपालभित्र अवैध भएको जनाएको छ ।

विभागले बिहिबार सूचना जारी गर्दै जोसियल सहित ७ वटा नेटवर्किङ कारोबारलाई गैरकानुनी भएको बताएको छ । विभागले सूचनामा हाईपर फण्ड ग्लोबल, जोसियल, सीआरयू, वीन्टर, क्राउड वान, सोलम्याक्स र पोइन्ट वीस लगायत स्वदेशी तथा विदेशी नेटवर्कहरुको नाम उल्लेख गर्दै यी सबैनेटवर्किङ नै भएकाले अवैध भएको जनाएको छ ।

बस्तुको प्रत्यक्ष बिक्रि (व्यवस्थापन तथा नियमन) गर्ने ऐन तथा नियमावली २०७६ मा पिरामिडमा आधारित सञ्जालयुक्त (नेटवर्किङ) व्यवसाय गर्न नपाईने व्यवस्था छ ।

तर, हाईपर फण्ड ग्लोबल, जोसियल, सीआरयू, वीन्टर, क्राउड वन, सोलम्याक्स र पोइन्ट वीसले बस्तुको प्रत्यक्ष बिक्रीको नाममा गैरकानुनीरुपले अनलाइन माध्यमको समेत प्रयोग गरी नेटवर्किङ शैलीको व्यवसाय गरी नेपाल र नेपाल बाहिर रहेका नेपालीहरुलाई आवद्ध गराएर ठगी गरिरहेको गुनासो आएको हुँदा गंभिर ध्यानाकर्षण भएको विभागले जनाएको छ।

नेटवर्किङ व्यवसाय गर्ने वा गराउनेलाई १० लाख रुपैयाँसम्म जरिवाना, ५ वर्षसम्म कैद सजाय वा दुबै सजाय हुन सक्ने कानुनी प्रावधान बारे समेत विभागले सचेत गराउँदै ठगिनबाट बच्न समेत सचेत गराएको छ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.