एक वर्षमा १६६३ अंकले बढ्यो शेयर बजार, साढे ३ खर्बको धितोपत्र थपिँदा साढे ५६ अर्बको बिक्री अनुमति

0 305

३१ असार, काठमाडौँ । शेयर बजार सूचक मापक नेप्से एक वर्षमा १६६३ अंकले बढेको छ ।विसं २०७७ असार मसान्तमा १३६२.४ रहेको नेप्से सूचकाङ्क २०७८ जेठ मसान्तमा १६६३ अंकले बढेर ३०२५.८ बिन्दुमा पुगेको हो ।

यसैगरी विसं २०७८ जेठ मसान्तमा धितोपत्र बजार पूँजीकरण अघिल्लो आवको यसै अवधिको तुलनामा २४ खर्ब २४ अर्ब रुपैयाँले बढेर ४२ खर्ब १६ अर्ब पुगेको छ । २०७७ असार मसान्तमा बजार पूँजीकरण १७ खर्ब ९२ अर्ब ७६ करोड रहेको थियो ।

२०७८ जेठमा नेपाल स्टक एक्सचेन्ज लिमिटेडमा सूचीकृत कम्पनीहरूको संख्या २२० पुगेको छ । सूचीकृत कम्पनीहरुमध्ये १४४ बैंक तथा वित्तीय संस्था र बीमा कम्पनी रहेका छन् भने ४० जलविद्युत् कम्पनी, १९ उत्पादन तथा प्रशोधन उद्योग, ५ होटल, ४ व्यापारिक संस्था, ५ लगानी कम्पनी र ३ अन्य समूहका रहेका छन् । विसं २०७७ असारमा सूचीकृत कम्पनीहरूको संख्या २१२ रहेको थियो ।

सूचीकृत कम्पनीहरूमध्ये बैंक तथा वित्तीय संस्था र बीमा कम्पनीको धितोपत्र बजार पूँंजीकरणको हिस्सा ६८.४ प्रतिशत रहेको छ । त्यसैगरी जलविद्युत कम्पनीको हिस्सा ८.९ प्रतिशत, लगानी कम्पनीको ८ प्रतिशत, उत्पादन तथा प्रशोधन उद्योगको ३.७ प्रतिशत, होटेलको १.५ प्रतिशत, व्यापारिक संस्थाको ०.६ प्रतिशत तथा अन्य समूहका कम्पनीहरुको ९.० प्रतिशत रहेको छ ।

तीन खर्ब ३२ अर्बको धितोपत्र सूचीकृत

नेपाल स्टक एक्सचेञ्ज लिमिटेडमा २०७८ जेठसम्ममा कुल ३ खर्ब ३२ अर्ब ८७ करोड बराबरको थप धितोपत्र सूचीकृत भएका छन् ।

आर्थिक वर्ष २०७७/७८ को एघार महिनामा २ खर्ब १९ अर्ब ९५ करोड बराबरको विकास ऋणपत्र ४३ अर्ब ५८ करोड बराबरको बोनस शेयर, ४२ अर्ब १७ करोड बराबरको साधारण शेयर, १७ अर्ब ५५ करोड बराबरको डिबेन्चर, ५ अर्ब ५२ करोड बराबरको हकप्रद शेयर र ४ अर्ब १० करोड बराबरको म्युचुअल फण्डको इकाई सूचीकृत भएको हो ।यस अवधिमा सूचीकृत ५ अर्ब ८२ करोड शेयरको चुक्ता मूल्य ५ खर्ब ७२ अर्ब ९२ करोड रुपैयाँ रहेको छ ।

५६ अर्ब ५३ करोड बराबरको धितोपत्र निष्काशन गर्न अनुमति

पूँजी बजारको नियामक निकाय नेपाल धितोपत्र बोर्डले २९७८ जेठ मसान्तसम्म कुल ५६ अर्ब ५३ करोड बराबरको धितोपत्र निष्काशन गर्न अनुमति दिएको छ ।

समीक्षा अवधिमा २० अर्ब ५४ करोड बराबरको डिबेन्चर, १४ अर्ब ५ करोड बराबरको हकप्रद शेयर, १३ अर्ब ५४ करोड बराबरको साधारण शेयर र ८ अर्ब ४० करोड बराबरको म्युचुअल फण्डको इकाई जारी गर्न बोर्डले अनुमति दिएको हो ।

RSS Error: A feed could not be found at `https://digitalkhabar.com/?#`; the status code is `200` and content-type is `text/html`



मल्टिमिडिया ग्यालरी


© Nepali horoscope

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.