Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

खाली मालवाहक कन्टेनरबाट लुकाएर भारततर्फ गाँजा लैजाँदै गर्दा पक्राउ

0 67

२८ असार, वीरगन्ज । वीरगन्जमा सोमबार प्रहरीले ठूलो परिमाणमा लागूऔषध गाँजा बरामद गरेको छ । खाली मालवाहक गाडीमा लुकाएर वीरगन्ज भन्सारको नाका हुँदै भारत लैजाँदै गरेको अवस्थामा प्रहरीले सोमबार २ क्वीन्टल ४७ केजी गाँजा बरामद गरेको हो ।

हेटौँडाबाट सामान खन्याएर भारत फर्कँदै गरेको एचआर ५५ एम २२०९ भारतीय नम्बरको लहरी (कन्टेनर बोक्ने ट्रक) मा लोड रहेको खाली कन्टेनरमा लुकाएर राखिएको २३ वटा पोकामा रहेको २ सय ४७ केजी गाँजा प्रहरीले बरामद गरेको हो ।

प्रहरी नायव उपरीक्षक ओम प्रकाश खनालका अनुसार हेटौँडाबाट वीरगन्ज नाका हुँदै भारत फर्किँदै गरेको खाली कन्टेर लोड भएको लहरीमा लुकाएर गाँजा भारत तस्करी भइरहेको सूचना प्रहरीले पाएको थियो ।

त्यही सूचनाका आधारमा जिल्ला प्रहरी कार्यालय पर्साबाट खटिएको प्रहरी टोलीले सोमबार दिउँसो २ बजे तिर वीरगन्जको ड्राइपोर्ट चोकमा उक्त लहरी रोकेर चेकजाच गरेको थियो ।

चेकजाँचका क्रममा लहरीमा लोड रहेको खाली कन्टेनरभित्र फल्सबटम बनाएर लुकाइएको २३ वटा पोकामा रहेको २ सय ४७ केजी बरामद भएको प्रहरी नायव उपरीक्षक खनालले बताए ।

कन्टेनर चेकजाँच गरिरहेकै बेला लहरीका चालक फरार भएकाले उनलाई भने पक्राउ गर्न नसकिएको प्रहरी नायव उपरीक्षक खनालले बताए ।

बरामद गाजा सहितको लहरी जिल्ला प्रहरी कार्यालय पर्सामा ल्याएर राखिएको छ । फरार रहेका चालक र लहरीका धनीको विषयमा अनुसन्धान भइरहेको प्रहरी नायव उपरीक्षक खनालले जानकारी दिए ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.