Nepal's No. 1 Digital News Portal, Business, Corporate, Tourism, Politics, Sports, Entertainment, digitalkhabar.com ...express media network

मकैबारीमा फौजी किराको प्रकोप

0 205

२७ असार, डँडेलधुरा । डँडेलधुराको अमरगढी नगरपालिकामा लगाइएको मकै बालीमा फौजी किराको प्रकोप देखिएको छ। अमरगढी नगरपाकिा वडा नम्वर ६ को दुमडा गाउँमा फौजी किराले मकैबाली नष्ट गरेको हो।

हुर्कंदै गरेको मकैबालीमा अमेरिकन फौजी किराको संक्रमण देखिएपछि किसानहरू चिन्तित बनेका छन्। हुर्कंदै गरेको मकैको बाली फौजी किराले क्षति गरेपछि किसानहरू मकैका बोट काटेर फाल्न थालेका स्थानीय कृषक मैना भट्टले बताइन् । ‘लगाएका मकै किराले सखाप पार्‍यो, अन्य बाली लगाउने मौसम पनि छैन, अब जमिन बाझै रहने पिरलो बढेको छ’ दुमडाका किसान शिव भाटले दुःखेसो पोखे।

मकै उत्पादनका लागि जिल्लाकै नमुना गाउँका रूपमा रहेको दुमडा गाउँमा फौजी किराको प्रकोपले मकैबाली सखाप भएपछि खाद्यान्नको अभाव हुने भन्दै किसान चिन्तित बनेका छन्। मकैसँगै लगाएको अन्य तरकारी बालीमा समेत फौजी किराको प्रकोप देखिएको छ। काउली, बन्दा र भटमासमा समेत फौजी किरा लाग्न थालेको किसानहरूले बताए।

कृषि प्राविधिकको सल्लाहमा कतिपय किसान मकैबारीमा विषादी छरिरहेका छन्। ‘किसानलाई प्राविधिक सहयोग सहित फौजी हटाउने विषादी मकैबारीमा छर्न लगाएका छौं, उक्त किरा नियन्त्रणमा आउन सक्छ’ अमरगढी कृषि शाखा प्रमुख रमेश भण्डारीले भने।

दुमडा गाउँका अधिकांश मकैबारीमा फौजी किराको प्रकोप फैलिइसकेको अमरगढी नगरपालिका कृषि शाखाका प्राविधिकले जानकारी दिएका छन्। यसबाट अन्य बालीमा नोक्सानी हुुन नदिन विषादीलगायत अन्य घरेलु औषधि छर्केर नियन्त्रण गर्ने प्रयास गरिरहेको प्राविधिक शाखाले जनाएको छ। डँडेलधुरामा फौजी किराको प्रकोप पहिलो पटक देखिएको कृषि ज्ञानकेन्द्र डँडेलधुराले जनाएको छ। बर्षे खेतीका रूपमा जिल्लाको अधिकांश क्षेत्रमा मकैबाली लगाउने गरिन्छ।


- Advertisement -


मल्टिमिडिया ग्यालरी

Comments

comments

Subscribe to our newsletter
Sign up here to get the latest news, updates and special offers delivered directly to your inbox.
You can unsubscribe at any time
Leave A Reply

Your email address will not be published.